चर्चित दक्षिण अफ्रिकी पूर्व क्रिकेटर जोन्टी रोड्स नेपालमा, नेपाली खेलाडीको गरे प्रशंसा

कात्तिक २६, २०७५ सोमबार १८:१०:३० | उज्यालो सहकर्मी

काठमाडौं – नेपाली युवा क्रिकेटरका लागि आयोजना गरिएको हाइपर्फमेन्स क्याम्पमा प्रशिक्षणका लागि आएका दक्षिण अफ्रिकी पूर्व क्रिकेटर तथा प्रशिक्षक जोन्टी रोड्सले नेपाली युवा खेलाडीमा राम्रो क्षमता भएको तर उनीहरुले त्यसअनुसारको अवसर नपाएको बताएका छन् ।

आइतबार काठमाडौं आएका रोड्सले सोमबार पत्रकार सम्मेलन गर्दै नेपालमा पूर्वाधारको तुलनामा खेलाडीको प्रदर्शन र क्षमताको खुलेर तारिफ गरे । नेपाली क्रिकेटरको क्षमता यू–१९ राष्ट्रिय टोलीमा देखिसकेको उनले बताए । सीमित पूर्वाधार र सुविधाका बाबजुद भारतजस्तो टिमलाई हराएको उदाहरण दिँदै उनले १० दिने क्याम्पमा योस्तरको खेलाडी उत्पादन गर्न आफ्नो अनुभव बाँड्ने उनले बताए ।

उनले ग्रास रुटबाट क्रिकेटको विकास गर्नका लागि दक्षिण अफ्रिकी मोडेलका बारे जानकारी दिने बताए । क्याम्पका क्रममा स्कुल–स्कुलमा पुगेर प्रतिभा पहिचान गर्ने रोड्सले बताएका छन् ।

१० दिनको समय छोटो भएको स्वीकार्दै रोड्सले भविष्यमा पनि नेपाली क्रिकेटरहरुको क्षमता अभिवृद्धिका लागि सक्दो सहयोग गर्ने प्रतिबद्धतासमेत व्यक्त गरे ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्