एकै दिन, एउटै टोलमा आधा दर्जन घरमा चोरी

कात्तिक २९, २०७५ बिहीबार ११:११:५१ | शुभनारायण यादव

सप्तरी – कञ्चनरुप नगरपालिका – १२ रुपनगरको प्रगति टोलमा बुधबार राति आधा दर्जन घरमा चोरी भएको छ ।

छठ पर्वको मौका पारेर चोरले प्रगति टोलका सञ्चारकर्मी उत्तम आचार्यको घरमा २ हजार मूल्य बराबरको तिहारमा लगाइने बत्ती ४ थान, स्वीच बोर्ड १ थान, मल्टिप्लक १ थान, बिजुली बल्ब १ थान, सन्तोष आचार्यको रु. ५ सय मूल्य बराबरको तिहारमा लगाइने बत्ती चाेरी भएकाे छ ।

यस्तै सरस्वती निरौलाको रु. ५ सय मूल्य बराबरको घरमा लगाएको बिजुलीको बल्ब, शम्भु दाहालको रु. ५ सय मूल्य बराबरको बिजुलीको बल्ब, अडिमर्दन अलिको रु. १० हजार बराबरको चाँदीको पाउजु, बाला र लुगासहितको बाकस चाेरी भएकाे छ ।

माइत आउनु भएकी सीता पाण्डेको रू. २५ हजार मूल्य बराबरको मोबाइल, दिपक श्रेष्ठको २ हजार मूल्य बराबरको परेवा र कृष्ण तिम्सिनाको रु. १ हजार मूल्य बराबरको परेवा चोरले चोरेर लगेको स्थानीय भक्ति पाण्डेले जानकारी दिनुभयो ।

एकैचोटि राति धेरै घरमा चोरी भएपछि स्थानीय त्रसित भएका छन् । इलाका प्रहरी कार्यालय कञ्चनपुरले चोरी कसले गरेको खुल्न नसके पनि चोरहरुको खोजी भैरहेको जनाएको छ ।

अन्तिम अपडेट: चैत २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्