'ब्रेन चिप' प्रयोग गरी पक्षघातका बिरामीले अनलाइन चेस खेलेको भिडियो सार्वजनिक

चैत १०, २०८० शनिबार ११:५५:४५ | एजेन्सी

एलन मस्कको कम्पनी न्यूरालिंकको 'ब्रेन चिप' प्रयोग गरेर पक्षघातका बिरामीले अनलाइन चेस खेलेको भिडियो सार्वजनिक भएको छ । सामाजिक सञ्जाल एक्सको नौ मिनेटको प्रत्यक्ष प्रशारणमा नोल्यान्ड अर्बाग नाम गरेका व्यक्तिले अनलाइन चेस खेल्नको लागि कर्सर प्रयोग गरेको देखिन्छ । गाडी दुर्घटना भएपछि अर्बागको काँध मुनी पक्षाघात भएको थियो ।

त्यसपछि उनको दिमागमा चिप प्रत्यारोपण गरिएको थियो । जटिल न्यूरोलोजिकल अवस्थाको सामना गर्न मानिसको दिमागमा कम्प्युटरमा जडान गर्नु नै ‘न्यूरालिङ्क’ कम्पनीको लक्ष्य हो । शल्यक्रिया एकदम सजिलो भएको अर्बागलाई उद्धृत गर्दै बीबीसीले जनाएको छ । अर्बागले भिडियो गेम 'सिभिलाइजेशन भी.आई' खेल्न दिमागमा चिप प्रत्यारोपण प्रयोग गरेका थिए ।

एक पाउन्ड सिक्काको साइजमा रहेको ‘न्यूरालिङ्क’ दिमागमा राखिन्छ । यसमा माइक्रोस्कोपिक तारहरू हुन्छन् जसले न्यूरोन गतिविधि पढ्न सक्छ र प्राप्त गर्ने एकाइमा बिना तार पनि सङ्केत फिर्ता गर्न सक्छ । कम्पनीले सुँगुरहरूमा पनि परीक्षण गरेको छ । बाँदरहरूले पनि भिडियो गेम ‘पोङ’को आधारभूत संस्करण खेल्न सक्ने कम्पनीले दाबी गरेको छ ।

‘न्यूरालिङ्क’ लाई ‘फूड एन्ड ड्रग एडमिनिस्ट्रेशन’ (एफडीए) ले सन् २०२३ को मे मा मानिसमा चिप परीक्षण गर्ने अनुमति दिएको थियो । ‘न्यूरालिङ्क’ यो प्रविधिलाई परिष्कृत गरी व्यापारीकरण गर्ने कम्पनी र विश्वविद्यालय विभागको बढ्दो सङ्ख्यामध्ये एक हो । यस्तै वैज्ञानिकले सङ्केत पत्ता लगाउन सक्ने अरू उपकरण पनि विकास गरेका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्