कतारको राजदूतका लागि डा‍.वाग्ले सिफारिस

जेठ २६, २०७६ आइतबार ११:४:३५ | उज्यालो सहकर्मी

काठमाण्डौ – सरकारले कतारसहित चार देशमा राजदूत नियुक्तिका लागि सिफारिस गरेको छ ।

मन्त्रिपरिषदको बिहीबार बसेको बैठकले कतारका लागि डा.नारद वाग्ले भारद्वाज, बंगलादेशका लागि डा.वंशीधर मिश्र, अष्ट्रेलियाका लागि महेश दाहाल र स्पेनका लागि दावाफुटी शेर्पाको नाम सिफारिस गरेको हो । उनीहरुलाई संसदीय सुनुवाइका लागि सिफारिस गर्ने निर्णय भएको छ ।

कतारका लागि सिफारिस वाग्लेले त्रिभुवन विश्वविद्यालयमा लामो समयसम्म अंग्रजी विषय प्राध्यापन गर्नुभएको छ । यसअघि सरकारले कतारबाट राजदूत रमेश कोइराला, बंगलादेशबाट डा.चोपलाल भुसाल र स्पेनबाट भरत रायमाझीलाई फिर्ता बोलाएको थियो ।

अष्ट्रेलियाका लागि राजदूत लक्की शेर्पाले भने राजीनामा दिनुभएको थियो । उहाँले राजीनामा दिएपछि अस्ट्रेलियामा ६ महिनादेखि राजदूत थिएन ।

दक्षिण कोरिया र दक्षिण अफ्रिकामा भने अझै राजदूत खाली छ । यस्तै अमेरिकाका लागि राजदूत डा.अर्जुन कार्कीको पदावधि सकिए पनि अर्को व्यवस्था नभएसम्मका लागि कार्यविधि थपिएको छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)