खाडीका देश र मलेसियामा एक हजार ८७ नेपाली कोरोना सङ्क्रमित : दूतावास

जेठ ३, २०७७ शनिबार १८:६:१६ | उज्यालो सहकर्मी

काठमाण्डौ – खाडीका देश र मलेसियामा कार्यरत एक हजार ८७ जना नेपालीमा कोरोना सङ्क्रमण भएको त्यहाँ रहेका नेपाली दूतावासले पुष्टि गरेका छन् ।

दूतावासका अनुसार अहिलेसम्म साउदीमा ६७४, बहराइनमा २४५, यूएईमा १५, कुवेतमा ८४, कतारमा १५, मलेसियामा ५४ जना गरी एक हजार ८७ जना नेपालीलाई कोरोना सङ्क्रमण भएको हो ।

जसमध्ये एक हजार ६१ जनाको अस्पतालमा उपचार भइरहेको छ । २० जना निको भएर काममा फिरेका छन् भने यूएईमा कोरोनाका कारण पाँच र साउदीमा १ जना गरी ६ जनाको ज्यान गएको छ ।

कतार, यूएई, ओमानले अहिले सङ्क्रमित नेपालीको राष्ट्रियता छुट्याउँदैनन् । त्यसो हुँदा यी देशमा कति नेपाली सङ्क्रमित छन् भन्ने दूतावाससँग यकिन तथ्याँक छैन ।

गैरआवासीय नेपाली संघ एनआरएनएको स्वास्थ्य समितिले सार्वजनिक गरेको तथ्याँक अनुसार सबैभन्दा धेरै कतारमा नेपाली सङ्क्रमित भएको देखाएको छ । सङ्क्रमितको राष्ट्रियता नखुलाएको देश कतारमा एनआरएनएको स्वास्थ्य समितिका अनुसार २३ सय जना नेपालीमा कोरोना सङ्क्रमण देखिएको छ भने यूएईमा १ सय ४९ जनामा सङ्क्रमण भएको समितिको तथ्याँक छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)