यूएईमा रहेको दूतावासले भन्यो - भाइरल भिडियोमा सुनिने आवाज दूतावासको आधिकारिक होइन

असार २, २०७७ मंगलबार १९:८:१४ | उज्यालो सहकर्मी

काठमाण्डौ – यूएईमा रहेको नेपाली दूतावासले सामाजिक सञ्जालमा भाइरल भएको दूतावासको एक भिडियोमा प्रस्तुत धारणा आधिकारिक नभएको जनाएको छ ।

केही दिन पहिले यूएईमा रहेको नेपाली दूतावासमा एकजना नेपाली श्रमिकले उद्धारको लागि याचना गर्दा दूतावासका कर्मचारीले ‘उद्धार गर्ने काम हाम्रो होइन’ भनेको भिडियो सामाजिक सञ्जालमा भाइरल भएको थियो । त्यो भिडियोको चौतर्फी विरोध भइरहेको छ । तर मंगलबार दूतावासले विज्ञप्ति निकालेर त्यो भिडियोमा बोलेको कुरा दूतावासको आधिकारिक नभएको जनाएको छ ।

‘राजदूतावासका कर्मचारीको आवाजसहितको भिडियो सामाजिक सञ्जालमा राखिएको पाइएकोले यसप्रति दूतावासको ध्यानाकर्षण भएको छ’, विज्ञप्तिमा लेखिएको छ, ‘भिडियोमा व्यक्त गरिएको भनाइ दूतावासको आधिकारिक धारणा नभएको सम्बन्धित सबैलाई अनुरोध गरिन्छ ।’

तर भिडियोमा सुनिने आवाज दूतावासकै कर्मचारी दस्तुर सिंह बस्नेतको हो । बस्नेत दूतावासका सुरक्षा गार्ड हुनुुहुन्छ । अहिले उहाँ दूतावासमा बाहिरबाट आउने मानिसका फोन उठाउने गरी फ्रन्टलाइनमा काम गरिरहनुभएको छ ।

दूतावासको सम्पर्कमा आउने समस्यामा परेका नेपालीलाई त्यहाँका कर्मचारीले सहयोग गर्ने, सम्झाउने र यथार्थ जानकारी दिने गरेको दूतावासको भनाइ छ ।
यस्तै यस्तो अप्ठ्यारो स्थितिमा पनि धैर्यधारण गरेर सहयोग गरेकोमा दूतावासले यूएईमा रहेका सबै नेपालीलाई धन्यवाद दिएको छ ।

आगामी दिनहरु सहज बनाउन र हवाइ उडान चालू गराउन निरन्तर प्रयास भइरहेको पनि दूतावासले जनाएको छ ।

1 Comments

खेम अाेझा
June 16, 2020, 7:20 p.m.
काेरियाकाे दुतावासमा काम गर्नेहरु झन कडा छन, उद्दारको नाममा लुट धन्धा कहिले सम्म चल्छ हाेला ???

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

यूएईमा रहेको दूतावासले भन्यो - भाइरल भिडियोमा सुनिने आवाज दूतावासको आधिकारिक होइन

1 Comments

खेम अाेझा

तपाईको प्रतिक्रिया