सबै युवालाई रोजगार बनाउने योजना समेटिएको विधेयक संसदमा पेश

 भदौ १२, २०७५ मंगलबार १७:५२:१८ | उज्यालो सहकर्मी

काठमाडौं – रोजगारको हक सम्बन्धी विधेयक संसदमा पेश भएको छ । मंगलबार श्रम, रोजगार तथा सामाजिक सुरक्षा मन्त्री गोकर्ण विष्टले विधेयक पेश गर्नुभएको हो । 

संसदले विधेयक पास गरेर ऐन बनेपछि कोही युवा बेरोजगार हुनु नपर्ने सरकारको दाबी छ । ऐन लागू भएपछि प्रदेश सरकार तथा स्थानीय तहले बेरोजगार व्यक्तिलाई न्यूनतम रोजगार दिन आवश्यक रोजगार कार्यक्रम सञ्चालन गर्ने विधेयकमा उल्लेख छ ।

सीप, शिक्षा, योग्यताका आधारमा सबै नागरिकलाई आधारभूत रोजगारी दिने योजना रहेको मन्त्रालयले जनाएको छ । रोजगार सूचना केन्द्र खोलेर आन्तरिक श्रम बजारमा रहेका रोजगारीका सम्भावानाको खोजी गर्ने विषयलाई  प्राथमिकतामा राखिएको छ ।

विधेयकमा बेरोजगार व्यक्तिको परिभाषासमेत उल्लेख गरिएको छ । एक आर्थिक वर्षमा न्यूनतम एक सय दिन रोजगारमा संलग्न नभएको वा कम्तिमा तोकिए बमोजिमको आय आर्जन हुने स्वरोजगारमा संलग्न नरहेको १८ वर्षदेखि ५९ वर्ष उमेर समूहको नागरिकलाई बेरोजगार भनी किटान गरिएको छ ।

विधेयकमा प्रदेश सरकार र स्थानीय तहले बेरोजगार सहायताको लागि रोजगारीको अवसर सम्बन्धी सूचना उपलब्ध गराउने, रोजगारमूलक तथा सीपमूलक तालीम दिने, बैंक तथा वित्तीय संस्था मार्फत सहुलियतपूर्ण ऋण उपलब्ध गराउने, स्वरोजगार सृजना गर्ने र बेरोजगार सहायताकार्यक्रम सम्बन्धी अरु व्यवस्था गर्ने उल्लेख छ ।

बेरोजगार सहायता कार्यक्रम अन्तर्गतको तालीम प्राप्त गरेको व्यक्तिले रोजगार सेवा केन्द्रले खटाएको ठाउँमा गई तोकिए बमोजिम काम गर्नुपर्ने विधेयकमा उल्लेख छ । 

सरकारले यो विधेयकमार्फत नै बाध्यताकारी वैदेशिक रोजगारीको अन्त्य गर्न प्रधानमन्त्री रोजगार कार्यक्रम सञ्चालनमा ल्याउने भएको छ । प्रधानमन्त्री रोजगार कार्यक्रमको खाका तयार पारेर राय सुझावका लागि कानून मन्त्रालय पठाएको मन्त्रालयले जनाएको छ ।

1 Comments

  • खिमानन्द भट्टराई

    Aug. 28, 2018, 8:57 p.m.

    खोइ त्यस्तो अवसर कहिले र कांहा मिल्ने हो कुन्नी

तपाईको प्रतिक्रिया

समाचार

लोकप्रिय

१

धेरै बाघ पाल्न सकिन्न, कसैलाई उपहार दिऔँ : प्रधानमन्त्री ओली

२

दक्षिण कोरियामा ६५ वर्षमाथिको जनसङ्ख्या २० प्रतिशत पुगेसँगै जनसाङ्ख्यिक सङ्कट

३

अष्ट्रेलियाका खेलाडीलाई धकेलेपछि विराट कोहलीलाई जरिमाना

४

भोलि बेलुकादेखि बदली र वर्षाको सम्भावना

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई