कोरोनाको कारण फर्कन नपाएकाको आवासीय भिसा दुबईले डिसेम्बर ९ सम्म स्वतः बढाइदिने

साउन २९, २०७८ शुक्रबार १५:१२:४९ | उज्यालो सहकर्मी

काठमाण्डौ – दुबईले आवासीय भिसा भएका तर कोरोनाको कारण यूएई फर्कन नपाएका आप्रवासी श्रमिकको भिसा आउँदो डिसेम्बर ९ सम्म स्वतः बढाइदिने भएको छ ।

कोरोना महामारीको कारण यूएईले यात्रामा प्रतिबन्ध लगाउँदा यूएई फर्कन्न नपाएका र यही अवधिमा भिसाको अवधि सकिएका आप्रवासी श्रमिकको भिसा अवधि आउँदो डिसेम्बर ९ सम्म स्वतः बढाइदिने भएको हो ।

कोरोना महामारीको कारण नेपाल, भारत, पाकिस्तान, श्रीलङ्का लगायतका देशका नागरिकलाई यूएईले यात्रामा प्रतिबन्ध लगाएको थियो । तर पछिल्लो समय गएको अगस्ट ५ देखि विभिन्न स्वास्थ्य सुरक्षाको मापदण्डसहित यूएईले प्रवेश खुला गरेको छ ।

जो प्रतिबन्धका कारण यसअघि यूएई फर्कन पाएनन् उनीहरूको आफ्नो भिसाको अवस्था अनलाइनमार्फत पनि जाँच गर्न सक्छन् ।

यूएई जानु पूर्व नै यात्राको लागि अनुमति लिनुपर्छ भने अन्य स्वास्थ्य सुरक्षाको मापदण्ड पनि अनिवार्य पालना गर्नुपर्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)