गएको वर्ष वैदेशिक रोजगारीमा गएका १४३ जना अङ्गभङ्ग/बिरामी भएर घर फर्किए

भदौ १७, २०७८ बिहीबार १७:४७:९ | उज्यालो सहकर्मी

काठमाण्डौ – गएको वर्ष वैदेशिक रोजगारीमा गएका १४३ जना अङ्गभङ्ग/बिरामी भएर स्वदेश फर्किएका छन् ।

वैदेशिक रोजगार बोर्डका अनुसार आर्थिक वर्ष २०७७/७८ मात्रै विभिन्न १२ देशबाट १४३ जना अङ्गभङ्ग/बिरामी भएर फर्किएका हुन् ।

अङ्गभङ्ग/बिरामी हुनेको सङ्ख्या सबैभन्दा धेरै साउदीमा रहेको छ । साउदीबाट मात्रै ३५ जना श्रमिक अङ्गभङ्ग/बिरामी भएर फर्किएका हुन् ।

साउदीपछि यूएईबाट ३१ जना, मलेसियाबाट २७ जना, कतारबाट २३ जना, कुवेतबाट ९ जना, बहराइनबाट ४ जना, अफगानिस्तानबाट १, जोर्डनबाट १, माल्टाबाट १, ओमानबाट १, पोर्चुगलबाट १ र दक्षिण कोरियाबाट ९ जना अङ्गभङ्ग/बिरामी भएर फर्किएको बोर्डले जनाएको छ ।

अङ्गभङ्ग/बिरामीको कारण

अङ्गभङ्ग÷बिरामी भएर फर्कने मध्ये सबैभन्दा धेरै विभिन्न रोगको कारण स्वदेश फर्किएको बोर्डको तथ्याङ्कमा उल्लेख छ ।

९५ जना विभिन्न रोगको सिकार भएका छन् भने ८ जना क्यान्सर भएर फर्किएका छन् ।

११ जना मिर्गौला सम्बन्धी समस्या भएर, १२ जना सडक दुर्घटनामा परेर, १० जना काम गर्ने ठाउँमै दुर्घटनामा परेर, २ जना ह्दयघातको कारण र ५ जना अन्य विभिन्न कारणले अङ्गभङ्ग/बिरामी भएर स्वदेश फर्किएका छन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)