इराकमा समलिङ्गी सम्बन्धलाई अपराध घोषणा गर्ने विधेयक पारित

वैशाख १६, २०८१ आइतबार १२:५:५९ | एजेन्सी

इराकको संसद्ले समलिङ्गी सम्बन्धलाई अपराध घोषणा गर्ने विधेयक पारित गरेको छ । इराकी संसद्ले पारित गरेको विधेयकअनुसार समलिङ्गी सम्बन्ध राख्नेलाई १० देखि १५ वर्षसम्मको जेल सजाय हुन सक्ने बीबीसीले जनाएको छ ।

नयाँ कानुनअनुसार तेस्रो लिङ्गीसँग सम्बन्ध राख्नेलाई पनि एकदेखि तीन वर्षसम्मको जेल सजाय हुन सक्नेछ । नयाँ कानुनले देशको धार्मिक मूल्यलाई कायम राख्न मद्दत पुग्ने इराकी अधिकारीले दाबी गरेका छन् । तर विरोधीले भने नयाँ कानुनमार्फत सरकारले अल्पसङ्ख्यकको अधिकार हनन गरेको आरोप लगाएका छन् ।

इराकले यसअघि सन् १९८० मा बनेको वेश्यावृत्ति विराेधी कानुनलाई संशोधन गर्दै समलिङ्गी सम्बन्धलाई अपराध मानेको बीबीसीले जनाएको छ । सन् १९८० मा बनेको कानुनमा वेश्यावृत्तिमा संलग्न हुनेलाई मृत्युदण्डको सजाय हुन सक्ने व्यवस्था रहेकोमा यस पटकको संशोधनमा मृत्युदण्डको व्यवस्था भने हटाएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

इराकमा समलिङ्गी सम्बन्धलाई अपराध घोषणा गर्ने विधेयक पारित

तस्बिर : एजेन्सी

तपाईको प्रतिक्रिया