शेयर कारोबार गर्दा ब्रोकर कम्पनीले लिने कमिसन १० प्रतिशतले घट्याे

वैशाख २४, २०८१ सोमबार १८:१२:४४ | उज्यालो सहकर्मी

काठमाण्डाै – सरकारले शेयर कारोबार गर्दा ब्रोकर कम्पनीले लिने कमिसन घटाएको छ । नेपाल धितोपत्र बोर्डको प्रस्तावअनुसार आउँदो जेठ १ गतेदेखि लागू हुनेगरी अर्थ मन्त्रालयले कमिसन घटाउन सहमति दिएको हो ।

नयाँ व्यवस्थाअनुसार जेठ १ गतेदेखि ब्रोकरले शेयर कारोबारीसँग लिने शुल्क अहिले कायम रहेको दर भन्दा १० प्रतिशत कम हुनेछ । गएको कात्तिकमै धितोपत्र बोर्डको सञ्चालक समितिले ब्रोकर कमिसन घटाउने गरी नियमावली संशोधन गर्ने निर्णय गरेको थियो तर अर्थ मन्त्रालयको सहमति पाउन सकेको थिएन ।

अब अधिकतम ब्रोकर कमिसन कारोबार रकमको शून्य दशमलव ३६ प्रतिशत कायम हुनेछ । अब ५० हजारदेखि ५ लाखसम्मको कारोबारमा शून्य दशमलव ३३ प्रतिशत, ५ लाखदेखि २० लाखसम्मको कारोबारमा शून्य दशमलव ३१ प्रतिशत, २० लाखदेखि १ करोडसम्मको कारोबारमा शून्य दशमलव २७ प्रतिशत र १ करोडमाथि जतिसुकैको कारोबारमा शून्य दशमलव २४ प्रतिशत कायम हुने बोर्डले जनाएका छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्