कांग्रेसले नीति तथा कार्यक्रम नै प्रस्तुत गर्न नदिने तयारी गरेपछि सरकार संसद् खुलाउन सक्रिय

भोलि बेलुकासम्म कांग्रेससँग सहमति हुने प्रधानमन्त्री प्रचण्डको दाबी

 वैशाख ३०, २०८१ आइतबार १८:१:३९ | उज्यालो सहकर्मी
unn.prixa.net

फाइल फाेटाे

काठमाण्डाै – नेपाली कांग्रेसले संसद् अवरुद्ध गर्दै सरकारको वार्षिक नीति तथा कार्यक्रम नै प्रस्तुत गर्न नदिने तयारी गरेपछि सरकारले संसद् खुलाउने तयारी तीव्र बनाएको छ ।

पर्सि जेठ १ गते मङ्गलवार राष्ट्रपति रामचन्द्र पौडेलले सङ्घीय संसद्को संयुक्त बैठकमा आर्थिक वर्ष २०८१/८२ को नीति तथा कार्यक्रम प्रस्तुत गर्ने कार्यतालिका रहेको छ । तर उपप्रधानमन्त्री तथा गृहमन्त्री रवि लामिछानेले सहकारीमा बचतकर्ताको रकम अपचलन गरेको विषयमा अनुसन्धान गर्न संसदीय छानबिन समिति बनाउनैपर्ने अडानसहित नेपाली कांग्रेसले प्रतिनिधि सभाको बैठक अवरुद्ध गर्दै आएको छ ।

कांग्रेसको अवरोध हटाउन प्रधानमन्त्री पुष्पकमल दाहाल प्रचण्डले नेपाली कांग्रेसका सभापति शेरबहादुर देउवासहितका नेताहरूसँग छलफल गर्नुभएको छ । आज बिहान सरकारी निवास बालुवाटारमै बोलाएर प्रचण्डले देउवासहितका नेताहरूसँग छलफल गर्नुभएको हो । भेटवार्तामा उहाँहरूबीच संसद् बैठक सञ्चालन गर्नेलगायत समसामयिक राजनीतिक विषयमा छलफल भएको भेटमा सहभागी कांग्रेसका प्रमुख सचेतक रमेश लेखकले जानकारी दिनुभयो । कांग्रेसका मागका सन्दर्भमा प्रधानमन्त्री प्रचण्ड सकारात्मक रहनुभएको नेता लेखकले बताउनुभयो ।

यसैबीच प्रधानमन्त्री प्रचण्डले सरकारको आउँदो आर्थिक वर्षको नीति तथा कार्यक्रम विना अवरोध प्रस्तुत हुने दाबी गर्नुभएको छ । उहाँले भोलि बेलुकासम्म कांग्रेससँग सहमति हुने र सरकारको नीति तथा कार्यक्रम सहज ढङ्गले अघि बढ्ने वातावरण बन्ने विश्वास व्यक्त गर्नुभयो ।

अन्तिम अपडेट: कात्तिक ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

क्यानडाका विद्यालयबाट हराएका डेढ लाख बालबालिकाबारे अध्ययन गर्न स्वतन्त्र आयोग गठन गर्न सिफारिश

२

साफ महिला च्याम्पियनशिपको उपाधि बङ्गलादेशलाई, नेपाल फेरि उपविजेता

३

सरकारी स्वामित्वका दुई वटा सिमेन्ट उद्याेग बिजुलीको बक्यौता महसूल तिर्न तयार

४

महसूल नतिरेसम्म उद्योगमा काटिएको बिजुली नजोड्न विद्युत् प्राधिकरणलाई आयोगको निर्देशन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई