अमेरिकाकाे चेतावनी : इजरायलले प्यालेस्टिनी बैंकहरू बन्द गरे ‘मानवीय सङ्कट’ उत्पन्न हुन सक्छ

 जेठ ११, २०८१ शुक्रबार १२:१४:९ | एजेन्सी
unn.prixa.net

तस्बिर : एजेन्सी

अमेरिकी वित्तमन्त्री जेनेट येलेनले इजरायलले प्यालेस्टिनी बैंकहरूका लागि महत्त्वपूर्ण वित्तीय च्यानल बन्द गरे ‘मानवीय सङ्कट’ को खतरा हुन सक्ने चेतावनी दिनुभएको छ । उहाँले आफू एक विशेषज्ञका रूपमा इजरायलको कारबाहीको धम्कीबाट चिन्तित रहेको बताउनुभएको अमेरिकी सञ्चारमाध्यम द न्यूयोर्क टाइम्सले जनाएको छ ।

इटालीमा भइरहेको जी–७ राष्ट्रका वित्तमन्त्रीहरूको बैठकमा येलेनले इजराइलबाट विद्युत्, पानी, इन्धन र खाद्यान्नसहित झन्डै आठ अर्ब डलर आयात गर्न सक्षम रहेको र प्यालेस्टिनीको जीविकोपार्जनसँग यो प्रत्यक्ष सम्बन्धित रहेको बताउनुभयो ।

इजरायलले प्यालेस्टिनी बैंकहरू बन्द गरे यसले निम्त्याउने सङ्कटका बारेमा एक महिनाअघि पत्र लेखेर प्रधानमन्त्री बेन्जामिन नेतान्याहुलाई सचेत गराएको अमेरिकी वित्तमन्त्री जेनेट येलेनले बताउनुभयो । इजराइलले प्यालेस्टिनीका लागि मानवीय सङ्कटको अवस्था सिर्जना गर्ने सङ्केततर्फ अरू देशले पनि ध्यानाकर्षण गराउनेमा आफू विश्वस्त रहेको उहाँकाे भनाइ छ ।

अन्तिम अपडेट: असार २, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया