सङ्क्रमणकालीन न्यायसम्बन्धी बाँकी काम सम्पन्न गर्न सरकार प्रतिबद्ध : प्रधानमन्त्री प्रचण्ड

जेठ १५, २०८१ मंगलबार १२:३५:३० | उज्यालो सहकर्मी

काठमाण्डौ – प्रधानमन्त्री पुष्पकमल दाहाल प्रचण्डले सङ्क्रमणकालीन न्यायसम्बन्धी बाँकी काम सम्पन्न गर्न सरकार प्रतिबद्ध रहेकाे बताउनुभएकाे छ ।

गणतन्त्र दिवसको अवसरमा आज बिहान सैनिक मञ्च टुँडिखेलमा भएकाे विशेष कार्यक्रममा प्रधानमन्त्री प्रचण्डले द्वन्द्व व्यवस्थापन र शान्ति स्थापनाका धेरैजसो काम पूरा भएका र सङ्क्रमणकालीन न्यायका बाँकी काम टुङ्गोमा पुर्‍याउन सरकार प्रतिबद्ध रहेको बताउनुभएकाे हाे । संविधान सभाबाट निर्माण गरेको नेपालको संविधानअनुसार सङ्घीय लोकतान्त्रिक गणतन्त्रात्मक शासन व्यवस्था कार्यान्वयनमा रहेको र यो व्यवस्थाले समृद्ध नेपाल निर्माणका लागि मार्गनिर्देश गरेको उहाँकाे भनाइ छ ।

देशमा गणतन्त्र स्थापना भएको ऐतिहासिक दिनका रूपमा आज विभिन्न कार्यक्रम गरी मनाउने गरिन्छ । बिहान टुँडिखेलमा भएकाे कार्यक्रममा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री प्रचण्ड, सभामुख देवराज घिमिरे, राष्ट्रिय सभा अध्यक्ष नारायणप्रसाद दाहाल, उपप्रधानमन्त्रीहरू, मन्त्रीहरू, संवैधानिक निकायका प्रमुख, सरकारका उच्चपदस्थ अधिकृत, सुरक्षा निकायका प्रमुख, नेपालमा रहेका कुटनीतिक नियोगका प्रमुख एवम् प्रतिनिधिलगायत सहभागी थिए ।

समारोहमा हेलिकोप्टरबाट पुष्पवृष्टिका साथै गणतन्त्र दिवस–२०८१ लेखिएको ब्यानर प्रदर्शन गरिएकाे छ । यस्तै काठमाण्डौ, भक्तपुर र ललितपुरका विभिन्न पालिकाबाट परम्परागत सांस्कृतिक झाँकी प्रस्तुत गरिएको थियो ।

सरकारले यसअघि तीन दिन जेठ १४, १५ र १६ गतेसम्म दीपावलीसहितका कार्यक्रम गरी दिवस मनाउने निर्णय गरेअनुसार कार्यक्रम भइरहेका छन् । जननिर्वाचित पहिलो संविधान सभाबाट २०६५ साल जेठ १५ गते निरङ्कुश राजतन्त्रको विधिवत् अन्त्य गर्दै नेपालमा सङ्घीय लोकतान्त्रिक गणतन्त्रात्मक शासन व्यवस्थाको घोषणा भएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सङ्क्रमणकालीन न्यायसम्बन्धी बाँकी काम सम्पन्न गर्न सरकार प्रतिबद्ध : प्रधानमन्त्री प्रचण्ड

तस्बिर : रासस

तपाईको प्रतिक्रिया