सम्पर्क नआएका झन्डै ९ सय वटा सहकारी खारेजी गर्न सुझाव

जेठ २०, २०८१ आइतबार १८:४४:९ | उज्यालो सहकर्मी

काठमाण्डाै – काठमाण्डौ महानगरपालिका कार्यक्षेत्र भई सम्पर्कमा नआएका झन्डै नौ सय वटा सहकारीको दर्ता खारेजी गर्न विज्ञले सुझाव दिएका छन् ।

काठमाण्डौ महानगरपालिकाको सहकारी विभागले हिजो ‘सहकारी उत्थानका लागि अध्ययन, अनुसन्धान’ विषयक कार्यक्रम आयोजना गरेको थियो । कार्यक्रममा सहकारी विज्ञ काशिराज दाहालले पहिले परिपत्र गर्न, त्यसको जवाफ प्राप्त नभए ठेगाना उल्लेख गरेर सञ्चालक, सदस्य, बचतकर्ताहरूका नाममा सम्पर्क गर्न सार्वजनिक सूचना जारी गर्न र यति गर्दा पनि कोही सम्पर्कमा नआए खारेजीको प्रक्रियामा लैजान सुझाव दिनुभयो । यो प्रक्रिया अवलम्बन गर्न थालेपछि सरोकारवाला सम्पर्कमा आउने र सञ्चालक नआए बचतकर्ता सम्पर्कमा आउने उहाँले बताउनुभयो । बचतकर्ताको सम्पर्कबाट सञ्चालक भेटिने ठाउँमा पुग्न सहयोग पुग्ने सहकारी विज्ञ दाहालको भनाइ छ ।

काठमाण्डौ महानगर कार्यक्षेत्र भएका एक हजार नौ सय २३ वटा सहकारी संस्थामध्ये गएको आर्थिक वर्षमा नौ सय ६८ वटा सहकारीले विवरण पेश गरेका छन् । महानगरको सामाजिक विकास विभागकी निमित्त प्रमुख बिमला कोइरालाले सहकारीमा देखिएका समस्याले मुख्य असर बचतकर्तालाई परेको बताउनुभयो ।

सहकारी पालिकालाई हस्तान्तरण हुनुअघि २०७४ सालमा काठमाण्डौ महानगरपालिकाले सहकारी ऐन जारी गरिसकेको थियो । त्यही ऐन अनुरूप सहकारी सञ्चालन भइरहेका छन् । काठमाण्डौ महानगरपालिकाले सहकारीमा देखिएका समस्या समाधानका लागि समस्याग्रस्त सहकारी व्यवस्थापन समिति गठन गर्ने तयारी गरेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्