इलाममा बिपी कोइरालाको शालिक अनावरण

मंसिर ३, २०७५ सोमबार १९:२८:५२ | सुजता सुनुवार

इलाम – पूर्व प्रधानमन्त्री बिपी कोइरालाको शालिक इलाममा एक कार्यक्रमकाबीच अनावरण गरिएको छ ।

नेपाली कांग्रेस माई नगरपालिकाको आयोजनामा जिल्लाको माई नगरपालिकामा रहेको दानाबारीमा कोइरालाको शालिक स्थापना गरी सोमबार अनावरण गरिएको हो । कार्यक्रमलाई सम्बोधन गर्दै नेपाली कांग्रेसका केन्द्रीय सदस्य डा. शेखर कोइरालाले सरकारकै कारण संघीयता धरापमा परेको आरोप लगाउनुभयो ।

उहाँले भन्नुभयो, ‘प्रदेश सरकारलाई अधिकार नदिई प्रधानमन्त्री आफैँले सबै अधिकार लिन खोज्नुले संघीयता धरापमा पार्न सरकार आफैं लागिपरेको देखिएको छ । स्थानीय र प्रदेश सरकारलाई संघीय सरकारले उचित परिचालन गर्न सकेन’, कोइरालाले भन्नुभयो, ‘संविधानको मर्म अनुसार अधिकार बाँडफाँडमा चल्न नसक्नुले सरकार आफैँले संघीयताको विश्वास नगरेको प्रष्ट हुन्छ ।’

शान्ति सुरक्षाको प्रत्याभूति दिलाउन नसक्नु, दण्डहिनताको अन्त्य नहुनु, सुशासनको बाटोमा सरकार हिँड्न नसक्नुले देश असफलतातर्फ उन्मुख भएको उहाँको भनाई थियो । सरकारले समृद्धिका ठूला–ठूला नारा घन्काउने तर काम भने नगरेको आरोप लगाउँदै कोइरालाले नागरिकले सरकारको दिनगन्ती सुरु गरिसकेको दाबी समेत गर्नुभयो ।

‘दुई तिहाईको सरकारले भाषणबाजी बाहेक केही गर्न सकेन । सुशासन कायम गर्न, महंगी नियन्त्रण गर्न र भ्रष्टाचारीलाई कारबाही गर्न चुक्नुले सरकारको कार्यशैलीप्रति नागरिक निराश छन्’, कोइरालाले भन्नुभयो ‘नागरिक यो सरकारको विकल्प खोज्न आतुर छन् ।’

कार्यक्रममा नेपाली कांग्रेसका केन्द्रीय सदस्य सुजता परियार, प्रदेश १ का मुख्य सचेतक केदार कार्की, पूर्व सांसद केशव थापा, इलाम सभापति हिमालय कर्माचार्य, नेपाल शिक्षक संघ प्रदेश १ अध्यक्ष पूर्णप्रसाद गौतमलगायतले मन्तव्य राख्दै सरकारका राम्रा पक्षलाई समर्थन र नराम्रा कामलाई विरोध गर्न नागरिकलाई आग्रह गरेका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्