मानहानी मुद्दामा भारतका विपक्षी नेता राहुल गान्धीलाई जमानत

 जेठ २५, २०८१ शुक्रबार १८:२८:२४ | एजेन्सी
unn.prixa.net

फाइल फाेटाे

भारतको मुख्य विपक्षी दल कांग्रेसका नेता राहुल गान्धीले मानहानीको मुद्दामा जमानत पाउनुभएको छ । प्रधानमन्त्री नरेन्द्र मोदी र उहाँको दल भारतीय जनता पार्टी (भाजपा) माथि भ्रष्टाचारको आरोप लगाएको आरोपमा नेता गान्धीविरुद्ध दायर गरिएको मानहानीको मुद्दामा बेङ्गलोरको विशेष अदालतले आज जमानत दिएको अन्तर्राष्ट्रिय समाचार संस्था एएफपीले जनाएको छ ।

गएको वर्षको कर्नाटक राज्यको विधानसभा चुनावमा नेता गान्धीले तत्कालीन भाजपा सरकारमाथि सन् २०१९–२०२३ को शासनकालमा ठूल्ठूला भ्रष्टाचार गरेको आरोप लगाउनुभएको थियो । त्यही आरोपविरुद्ध कर्नाटक भाजपाले कांग्रेस नेता राहुल गान्धी, मुख्यमन्त्री सिद्धारमैया र उपमुख्यमन्त्री डीके शिवकुमारविरुद्ध मानहानीको आरोप दायर गरेको थियो ।

विशेष अदालतले यो मुद्दामा गएको जुन १ मा सिद्धारमैया र शिवकुमारलाई जमानत दिएको थियो । अब यो मुद्दामा अघिल्लो सुनुवाइ यही जुलाई ३० मा हुने खबरमा उल्लेख छ ।

यसअघि सन् २०२३ को मार्च २३ मा सूरतको एक अदालतले ५३ वर्षीय नेता राहुल गान्धीलाई मानहानी मुद्दामा दुई वर्षको सजाय सुनाएको थियो । यही मुद्दामा उहाँको सांसदबाट पनि हट्नुपरेको थियो । तर सर्वाेच्च अदालतको फैसलापछि उहाँ संसद् सदस्यका रूपमा पुनः स्थापित हुनुभएको थियो ।

अन्तिम अपडेट: साउन ४, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया