काठमाण्डाै – सुदूरपश्चिमका मुख्यमन्त्री दीर्घबहादुर सोडारीले पाँच जना विनाविभागीयसहित आठ जना मन्त्री नियुक्त गर्नुभएको छ ।

मुख्यमन्त्री साेडारीले आज नेकपा एमालेका तीन जना, नेकपा (माओवादी केन्द्र) का तीन जना, नेकपा (एकीकृत समाजवादी) का एक जना  र एक जना स्वतन्त्र सांसद गरी थप आठ जना मन्त्री नियुक्त गर्नुभएकाे मुख्यमन्त्रीको सचिवालयले जनाएको छ ।

यससँगै सुदूरपश्चिम प्रदेश मन्त्रिपरिषद् मुख्यमन्त्रीसहित ११ सदस्यीय भएको छ । यसअघि नागरिक उन्मुक्ति पार्टीका दुई जना मन्त्री छन् । उद्योग पर्यटन वन तथा वातावरण मन्त्रीमा नियुक्त स्वतन्त्र सांसद ताराप्रसाद जोशीले भने मन्त्री पद अस्वीकार गरेको उल्लेख गर्नुभएको छ । यस्तै माओवादी केन्द्रमा मन्त्री सिफारिशको विषयलाई लिएर किचलो भएको छ । पाँच जना सांसदले संसदीय दलभित्र सल्लाह नगरि मन्त्री सिफारिस गरेको भन्दै तत्काल मन्त्री नियुक्त नगर्न मुख्यमन्त्री सोडारीलाई ध्यानाकर्षण बुझाएका छ्न् ।

नयाँ मन्त्रीहरूको शपथ आजै हुने मुख्यमन्त्रीको सचिवालयले जनाएको छ ।