जर्मनी युरो कप फुटबलको अन्तिम १६ मा प्रवेश

असार ६, २०८१ बिहीबार ६:४१:४५ | एजेन्सी

जर्मनी युरोकप फुटबल २०२४ को अन्तिम १६ मा पुगेको छ। गएराति भएको समूह चरणको आफ्नो दोस्रो खेलमा हङ्गेरीलाई २–० गोलले हराउँदै जर्मनी दोस्रो चरणमा प्रवेश गरेको हो । आयोजक जर्मनी यो सिजनको अन्तिम १६ मा पुग्ने पहिलो टोली बनेको छ ।

पहिलो खेलमा स्कटल्यान्डलाई ५–१ को फराकिलो जित दर्ता गरेको जर्मनीको २ खेलमा ६ अङ्क भएको छ । पहिलो खेलमा स्वीट्जरल्यान्डसँग पराजित हङ्गेरी २ खेलमा अङ्कविहिन छ । गएरातिको अर्को खेलमा यही समूहका स्वीट्जरल्यान्ड र स्कटल्यान्डले १–१ गोलको बराबरी खेलेका छन् । योसँंगै स्वीट्जरल्यान्डको २ खेलमा ४ अङ्क भएको छ भने समान खेल खेलेको स्कटल्याण्डको १ अङ्क जोडिएको छ ।

यसैबीच समूह ‘बी’ अन्तर्गतको खेलमा हिजो क्रोएसिया र अल्बानियाले आ–आफ्ना दोस्रो खेलमा २–२ गोलको बराबरी खेलेका छन् । बराबरी पछि दुवै टोलीले समूह ‘बी’ मा पहिलो अङ्क जोडेका छन् । पहिलो खेलमा क्रोएसिया स्पेनसँग र र अल्बानिया इटालीसँग पराजित भएका थिए ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जर्मनी युरो कप फुटबलको अन्तिम १६ मा प्रवेश

तस्बिर : एजेन्सी

तपाईको प्रतिक्रिया