दिल्लीका मुख्यमन्त्री केजरीवालमाथि खुर्सानीको धुलो फ्याँकियो

मंसिर ५, २०७५ बुधबार १४:९:१८ | एजेन्सी

मंगलबार दिल्लीका मुख्यमन्त्री अरविन्द केजरीवालको अनुहारमा एक जना व्यक्तिले खुर्सानीको धुलो फ्याँकेपछि भारतीय राजनीतिमा आरोप–प्रत्यारोप सुरु भएको छ ।

आम आदमी पार्टी(आप)ले यो घटना विपक्षी भारतीय जनता पार्टीले गराएको आरोप लगाएको छ । त्यस्तै पार्टीको आधिकारिक ट्विटर ह्याण्डलबाट एउटा ट्वीट गर्दै केजरीवालमाथिको आक्रमण महात्मा गान्धीको हत्यासँग तुलना गरेको छ । पार्टीले एउटा कार्टुन पोस्ट गर्दै दिल्ली प्रहरीको कार्यक्षमतामाथि प्रश्न उठाएको छ । काटुर्नमा दिल्ली प्रहरीले आक्रमणकारीको खल्तीबाट खुर्सानीको प्याकेट खसेको दिल्ली प्रहरीको बयानलाई व्यङ्ग्य पनि गरिएको छ ।

दिल्ली सरकारमा उपमुख्यमन्त्री मनीष सिसोदियाले बीजेपीले दिल्ली प्रहरीसँग मिलेर यस्तो षड्यन्त्र गरेको आरोप लगाएका छन् । तर भारतीय जनता पार्टीका दिल्ली अध्यक्ष मनोज तिवारीले भने घटनामा आफ्नो पार्टीको संलग्नता नभएको बताउँदै घटनाको निन्दा गरेका छन् ।

This is how Delhi CM @ArvindKejriwal was attacked outside of his office at Delhi Secretariat.

Isn’t it a big security lapse?@DelhiPolice,who is accountable ? pic.twitter.com/5S89gqZhrA
— Aam Aadmi Party Delhi (@AAPDelhi) 20 November 2018

मंगलबार दिउँसो मुख्यमन्त्रीको सचिवालयबाट खाना खान निस्कँदै गर्दा मुख्यमन्त्री केजरीवालमाथि अनिल कुमार नाम गरेका व्यक्तिले खुर्सानीको धुलो फ्याँकेका थिए ।

वेटिङ रुममा पर्खेर बसेका अनिलले केजरीवाल निस्कनेबित्तिकै उनलाई ढोग्ने बहानामा खुर्सानीको धुलो अनुहारमा दलिदिएका थिए । उनको आक्रमणबाट केजरीवालको चश्मा पनि भाँचिएको थियो ।

अनिललाई प्रहरीले पक्राउ गरेर घटनाको अनुसन्धान गरिरहेको बताएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्