ओखलढुङ्गा – ओखलढुङ्गाको खिजीदेम्वा गाउँपालिकाले विद्यालयमा पत्रुखाना अर्थात् 'जङ्कफुड' प्रतिबन्ध लगाएको छ । विद्यार्थी र शिक्षकले विद्यालयमा पत्रुखाना प्रयोग गर्न थालेपछि गाउँपालिकाले प्रतिबन्ध लगाएको अध्यक्ष गम्बु शेर्पाले जानकारी दिनुभयो ।

यस्तै विद्यार्थीलाई खाजा उपलब्ध गराउन गाउँपालिकाले बारअनुसारको सूची तयार पारेको छ । जसमा गाउँमै उत्पादन हुने खाद्यन्नको प्रयोग हुनेछ । गाउँपालिकाका चार वटा विद्यालयमा पोषणयुक्त खाजा कार्यक्रम लागू गरेको गाउँपालिकाले यस वर्ष विद्यार्थी दिवा खाजा कार्यक्रमका लागि १५ लाख ३० हजार रुपैयाँ विनियोजन गरेको छ ।

शुरुआती चरणमा माध्यमिक तह सञ्चालित विद्यालयमा कार्यक्रम सञ्चालन भएको र क्रमशः सबै विद्यालयमा लागू गर्ने अध्यक्ष शेर्पाले बताउनुभयो ।