काठमाण्डाै – एसीसी महिला एशिया कपका लागि श्रीलङ्कामा रहेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । आज भएको खेलमा नेपाल श्रीलङ्का बोर्ड महिला विकास टोलीसँग ४ विकेटले पराजित भयो ।

नेपालले दिएको १ सय ७ रनको लक्ष्य घरेलु टोलीले १ बल बाँकी छँदा ४ विकेट गुमाएर भेटायो । उसका लागि एन सेनारथ्नेले २७ रन बनाइन् । बलिङतर्फ नेपालकी सबनम राई र कविता जोशीले समान १ विकेट लिइन् ।

यसअघि टस जितेर ब्याटिङ गरेको नेपालले २० ओभरमा ७ विकेट गुमाएर १ सय ६ रन बनायो । नेपालकी कविता कुँवरले २९, कप्तान इन्दु बर्माले २८ रन बनाइन् । श्रीलङ्का टोलीकी देवमी भिहाङ्गाले ३ विकेट लिइन् ।

पहिलो अभ्यास खेलमा नेपाल ३३ रनले पराजित भएको थियो । तेस्रो अभ्यास खेल आउँदो जुलाई १६ मा हुनेछ । एशिया कप आउँदाे जुलाई १९ देखि शुरु हुँदैछ । उद्घाटन खेलमा नेपाल र यूएई खेल्नेछन् । नेपाल रहेको समूह ‘ए’ मा भारत र पाकिस्तान पनि छन् ।