काठमाण्डाै – भारतलाई पछि पार्दै अस्ट्रेलिया आईसीसी टेस्ट क्रिकेट वरीयताको शीर्ष स्थानमा उक्लिएको छ ।

अन्तर्राष्ट्रिय क्रिकेट काउन्सिल (आईसीसी) ले सार्वजनिक गरेको पछिल्लो वरीयतामा अस्ट्रेलिया एक स्थान सुधार गर्दै शीर्ष स्थानमा पुगेको हो । भारत एक स्थान तल झर्दै दोस्रो स्थानमा आइपुगेको छ । इङ्गल्यान्ड तेस्रो स्थानमा यथावत् छ ।

यस्तै आईसीसी टेस्ट ब्याटिङ वरीयतामा न्युजिल्यान्डका केन विलियमसन शीर्ष र इङ्गल्यान्डका जोए रुट दोस्रो स्थानमा यथावत् छन् । इङ्गल्यान्डकै ह्यारी ब्रुक चार स्थान सुधार गर्दै तेस्रो स्थानमा आइपुगेका छन् ।

यस्तै आईसीसी टेस्ट बलिङ वरीयतामा भारतका रविचन्द्रन अश्विन शीर्ष, अस्ट्रेलियाका जोश हेजलवूड दोस्रो र भारतकै जसप्रित बुमराह तेस्रो स्थानमा यथावत् छन् ।

यस्तै आईसीसी टेस्ट अलराउन्डर वरीयतामा भारतका रविन्द्र जडेजा शीर्ष, भारतकै अश्विन दोस्रो र बङ्गलादेशका शाकिब अल हसन तेस्रो स्थानमा यथावत् छन् ।