फ्रान्सको सरकारी रेल सेवा कम्पनी एस.एन.सी.एफमा आगजनी भएको छ । रेल स्टेशनसहितका कार्यालय र लेनहरूमा तोडफोड तथा आगजनी भएको हो ।

आगजनीसहितको आक्रमणले यातायात प्रणाली अवरुद्ध हुँदा आज साढे दुई लाख जनाभन्दा धेरै यात्रु प्रभावित भएका फ्रान्सको प्रहरीलाई उद्धृत गर्दै बीबीसीले जनाएको छ । रेलहरूलाई अन्य मार्गमा मोड्दा तथा स्थगित हुँदा धेरै यात्रु प्रभावित भएका हुन् ।

खेलमन्त्री अमेली ओडियाकास्टेराले पेरिस ओलम्पिकको उद्घाटन समारोह शुरू हुनुभन्दा केही घण्टा अगाडि फ्रान्सको उच्च गतिको (टीजीभी) रेल नेटवर्कलाई अवरुद्ध पार्न एथलिटहरूले आक्रमण गरेको आरोप लगाउनुभएको छ ।

कडा सुरक्षा व्यवस्थाबीच ग्रीष्मकालीन ओलम्पिकको उद्घाटन समारोहमा तीन लाख दर्शक तथा पाहुना उपस्थित हुने अपेक्षा गरिएको समयमा आकस्मिक आक्रमण गरी बदनाम गराउने प्रयास भएको छ ।

आक्रमणले रेल सुविधालाई क्षति पुर्‍याउँदा प्रभावित लाइनहरू अवरुद्ध भएका र मर्मत गर्नुपर्दा झन्डै एक हप्तासम्म सेवा प्रभावित हुन सक्ने जनाइएको छ । तर आउँदो सोमवारदेखि सेवा नियमित गर्ने प्रयास भइरहेको रेल स्टेशनको सूचना पार्टीमा देखाएको छ ।