वायु प्रदूषणले मौरीलाई फूल खोज्न कठिन बनाएको बेलायती अध्ययनको निष्कर्ष

साउन १४, २०८१ सोमबार ६:३२:५६ | एजेन्सी

वायु प्रदूषणले फूलको गन्ध कम गर्ने भएकाले मौरीहरूलाई फूल खोज्न कठिन बनाएको अध्ययनले देखाएको छ । बेलायतको युके सेन्टर फर इकोलोजी एन्ड हाइड्रोलोजी (युकेसिइएच) र दक्षिणी क्विन्सल्याण्ड विश्वविद्यालय सम्मिलित अनुसन्धान टोलीले ओजोनले फूलहरूको गन्धको आकार र सुगन्धमा ठूलो परिवर्तन ल्याउने हुँदा यसले मौरीहरू घटाएको पत्ता लगाएको छ ।

अध्ययनअनुसार यसबाट मौरीहरूको केही मिटरको दूरीबाट गन्ध पत्ता लगाउने क्षमता ९० प्रतिशतसम्म कम भएको अन्तर्राष्ट्रिय समाचार संस्था एएनआइले जनाएको छ । सामान्यतया गाडी र औद्योगिक क्षेत्रबाट निस्किएका नाइट्रोजन अक्साइड सूर्यको प्रकाश र वनस्पतिबाट उत्सर्जन भएका वाष्पशील जैविक यौगिकहरूसँग मिसिएपछि जमिन–स्तरको ओजोन बन्दछ ।

ओजोनले जङ्गली फूलको प्रचुरता र बाली उत्पादनमा नकारात्मक असर पार्ने सम्भावना रहेको अध्ययनको निष्कर्ष छ । आजोनले बोटविरुवाको वृद्धिलाई नोक्सान पुर्‍याउने हुदाँ खाद्य उत्पादनमा समेत नकारात्मक प्रभाव पारेको हुन्छ । वायु प्रदूषणले मानव स्वास्थ्य, जैविक विविधता र जलवायुमा हानिकारक प्रभाव पारेको थियो । तर अब वायु प्रदूषणले मौरी र अन्य परागकण कीराहरूलाई उनीहरूको मुख्य काम गर्नबाट रोक्ने गरेको पाइएको छ ।

त्यसैले वायु प्रदूषणमा कमि ल्याएर भविष्यका लागि खाद्य उत्पादन र जैविक विविधताको रक्षामा मद्दत गर्न चेतावनीका रूपमा काम गर्नुपर्ने अनुसन्धानमा संलग्न प्रोफेसर क्रिस्चियन प्रफ्राङले बताउनुभएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वायु प्रदूषणले मौरीलाई फूल खोज्न कठिन बनाएको बेलायती अध्ययनको निष्कर्ष

तस्बिर : एजेन्सी

तपाईको प्रतिक्रिया