विश्वकप आयोजनाका लागि सुरक्षा आश्वासन माग गर्दै बङ्गलादेश क्रिकेट बोर्डले सेना प्रमुखलाई पत्र लेख्यो

साउन २५, २०८१ शुक्रबार १५:३१:८ | उज्यालो सहकर्मी

काठमाण्डाै – बङ्गलादेश क्रिकेट बोर्ड (बीसीबी) ले आईसीसी महिला टी–२० विश्वकप क्रिकेटको आयोजनाका लागि सुरक्षा आश्वासनको माग गर्दै सेना प्रमुखलाई पत्र लेखेको छ ।

बङ्गलादेशमा भएको हिंसक प्रदर्शनपछि बीसीबीले आउँदो महिला टी–२० विश्वकपको आयोजनालाई लिएर सेना प्रमुख वाकर उज जमानलाई पत्र लेखेको क्रिकेटसम्बन्धी जानकारी दिने क्रिकबजले जनाएको छ । बङ्गलादेश क्रिकेट बोर्डले पत्रमार्फत प्रतियोगिताको आयोजनाका लागि सुरक्षा आश्वासनको माग गरेको खबरमा उल्लेख छ । महिला टी–२० विश्वकप अभ्यास खेलका साथ आउँदो सेप्टेम्बर २७ तारिखदेखि शुरू हुने तय भएको छ ।

यसैबीच अन्तर्राष्ट्रिय क्रिकेट काउन्सिल (आईसीसी) ले बङ्गलादेशको अवस्थालाई नजिकबाट नियालिरहेको र प्रतियोगिताको आयोजनाका विकल्पका रूपमा अन्य देशबारे पनि सोचिरहेको क्रिकबजको खबरमा उल्लेख छ । यो प्रतियोगिता अन्यत्रै सारिएको अवस्थामा बङ्गलादेश जस्तै समान समय क्षेत्रको भारत, यूएई र श्रीलङ्का हुन सक्ने खबरमा उल्लेख छ ।

आईसीसीले बङ्गलादेशको मैदानको अवस्थाको मूल्याङ्कन गरेपछि प्रतियोगिता हुने ठाउँबारे निणर्य लिनुअघि भाेलिसम्मको समय लिने बताइएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विश्वकप आयोजनाका लागि सुरक्षा आश्वासन माग गर्दै बङ्गलादेश क्रिकेट बोर्डले सेना प्रमुखलाई पत्र लेख्यो

तस्बिर : एजेन्सी

तपाईको प्रतिक्रिया