कर्णालीमा सबैभन्दा बढी उत्पादन हुने अन्नमा मकै, धान तेस्रोमा

साउन २७, २०८१ आइतबार १२:४२:४ | रासस

सुर्खेत – कर्णालीमा गएको आर्थिक वर्ष साढे पाँच लाख टन खाद्यान्न उत्पादन भएको छ । कर्णाली प्रदेश भूमि व्यवस्था कृषि तथा सहकारी मन्त्रालयको तथ्याङ्क अनुसार पाँच लाख ५२ हजार नौ सय ३० टन खाद्यान्न उत्पादन भएको हो । जसअन्तर्गत कर्णालीमा सबैभन्दा धेरै दुई लाख १९ हजार आठ सय दुई टन मकै उत्पादन भएको छ ।

दोस्रोमा गहुँ एक लाख ५२ हजार छ सय २१ टन र तेस्रोमा धान एक लाख ४५ हजार ६३ टन उत्पादन भएको छ । यस्तै जौँ ११ हजार पाँच सय ५६ टन, कोदो १६ हजार तीन सय १० टन, फापर तीन हजार ८८ टन र उवा एक हजार आठ सय १९ टन उत्पादन भएको मन्त्रालयले जनाएको छ ।

यसैबीच प्रदेशमा वर्षमा २३ हजार टनभन्दा धेरै खाद्यान्न अपुग हुने गरेको पाइएको छ । राष्ट्रिय जनगणना २०७८ अनुसार कर्णाली प्रदेशको जनसङ्ख्या १६ लाख ८८ हजार चार सय १२ रहेको छ । एक जनालाई वार्षिक औषतमा दुई सय एक किलोका दरले खाद्यन्न आवश्यक पर्ने भएकोले प्रदेशको उत्पादनमा थप २३ हजार टन खाद्यन्न आवश्यक पर्ने मन्त्रालयले जनाएको छ । मकै, गहुँ, कोदो लगायतका खाद्यन्नभन्दा चामालकै माग बढी हुने भएकोले कर्णालीमा खाद्यन्न आयात भने उच्च छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कर्णालीमा सबैभन्दा बढी उत्पादन हुने अन्नमा मकै, धान तेस्रोमा

फाइल फाेटाे

तपाईको प्रतिक्रिया