अन्नपूर्ण संरक्षण क्षेत्रमा लेक लागेर एक वर्षमा २१ जना पर्यटकको ज्यान गयाे

भदौ ५, २०८१ बुधबार १८:३२:५४ | रासस

कास्की – पदयात्राका लागि चर्चित गन्तव्य अन्नपूर्ण संरक्षण क्षेत्रमा लेक लागेर एक वर्षमा २१ जना पर्यटकको ज्यान गएको छ ।

अन्नपूर्ण संरक्षण क्षेत्र आयोजना (एक्याप) का अनुसार ज्यान गुमाएकामध्ये ६ जना नेपाली छन् । त्यस्तै भारतका ११, मलेसियाका दुई, युक्रेन र बेलायतका एक/एक जनाको ज्यान गएको आयोजना प्रमुख रविन कडरियाले बताउनुभयो । उहाँका अनुसार धेरैजसो लेक लाग्ने घटना मुस्ताङको मुक्तिनाथ क्षेत्रमा हुने गरेका छन् ।

यस्तै एक वर्षमा पदयात्राका क्रममा लडेर तीन जना विदेशी पर्यटकको ज्यान गएको छ । कास्कीमा स्विडेन र जर्मनका तथा मनाङमा अमेरिकाका पर्यटकको ज्यान गएको आयोजना प्रमुख कडरियाले बताउनुभयो । मर्दी हिमालको पदयात्राका क्रममा बेपत्ता भएका स्विडिश नागरिकको सात महिनापछि अवशेष भेटिएको थियो ।

अन्नपूर्ण क्षेत्रमा गएको आर्थिक वर्षमा दुई लाख २२ हजार एक सय ८० जना विदेशी पर्यटकले घुमफिर गरेका छन् । यो सङ्ख्या अघिल्लो वर्षको तुलनामा ५० हजार जनाले धेरै हो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अन्नपूर्ण संरक्षण क्षेत्रमा लेक लागेर एक वर्षमा २१ जना पर्यटकको ज्यान गयाे

फाइल फाेटाे

तपाईको प्रतिक्रिया