नेपाली खेलाडीको टी–२० ब्याटिङ वरीयता खस्कियो

भदौ १३, २०८१ बिहीबार १५:२७:५२ | उज्यालो सहकर्मी

काठमाण्डाै – नेपाली खेलाडीको आईसीसी टी–२० अन्तर्राष्ट्रिय क्रिकेटको ब्याटिङ वरीयता खस्किएको छ ।

अन्तर्राष्ट्रिय क्रिकेट काउन्सिल (आईसीसी) ले सार्वजनिक गरेको पछिल्लो ब्याटिङ वरीयतामा नेपालका कप्तान रोहित पौडेल एक स्थान तल झर्दै ६१औं स्थानमा पुगेका छन् । यस्तै दीपेन्द्रसिंह ऐरी दुई स्थान तल झर्दै ४६औं, आसिफ शेख दुई स्थान तल झर्दै ७३औं स्थानमा पुगेका छन् । टी–२० ब्याटिङ वरीयतामा अस्ट्रेलियाका ट्राभिस हेड शीर्ष स्थानमा, भारतका सूर्यकुमार यादव दोस्रो स्थानमा र इङ्गल्यान्डका फिल साल्ट तेस्रो स्थानमा यथावत् छन् ।

यसैगरी टी–२० बलिङ वरीयतामा सोमपाल कामी ९३औं र दीपेन्द्रसिंह ऐरी ९७औं स्थानमा यथावत् छन् । यो वरीयतामा इङ्गल्यान्डका आदिल रशिद शीर्ष स्थानमा छन् भने वेस्ट इन्डिजका अकेल होसेन चार स्थान सुधार गर्दै दोस्रो र वेस्ट इन्डिजकै गुदाकेश मोटी १० स्थान सुधार गर्दै तेस्रो स्थानमा आइपुगेका छन् ।

यसैगरी टी–२० वरीयताको अलराउन्डरतर्फ गुल्सन झा र कुशल भुर्तेल समान दुई स्थान सुधार गर्दै क्रमशः ६९औं र ७०औं स्थानमा आइपुगेका छन् । यस्तै करण केसी एक स्थान सुधार गर्दै ७५औं स्थानमा आइपुगेका छन् भने दीपेन्द्रसिंह ऐरी सातौं, कुशल मल्ल ३७औं र कप्तान रोहित पौडेल ५५औं स्थानमा यथावत् छन् । यो वरीयतामा अस्ट्रेलियाका मार्कस स्टोइनिस शीर्ष स्थानमा, जिम्बावेका सिकन्दर राजा दोस्रो स्थानमा र बङ्गलादेशका शाकिब अल हसन तेस्रो स्थानमा यथावत् छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्