लुम्बिनीकै गौरव आयोजनाको रूपमा लुम्बिनी प्रादेशिक अस्पतालको शिलान्यास

भदौ १५, २०८१ शनिबार १५:०:५० | रासस

रुपन्देही – लुम्बिनी प्रदेश सरकारको मुख्य गौरवको आयोजनाको रूपमा रहेको लुम्बिनी प्रादेशिक अस्पतालको शिलान्यास भएको छ । अस्पताल भवनको आज बिहान उपप्रधान तथा अर्थमन्त्री विष्णु पौडेल र मुख्यमन्त्री चेतनारायण आचार्यले शिलान्यास गर्नुभएको हो । छ अर्ब १८ करोड ७५ लाख रुपैयाँको लागतमा बन्ने अस्पताल १२ तलाको हुनेछ ।

लुम्बिनी प्रादेशिक अस्पतालको निर्माण प्रदेश पूर्वाधार विकास प्राधिकरण मार्फत शुरु भएको हो । सरकारीस्तरमा एउटै अस्पतालमा १२ सय शय्या नभएकोले यो नै देशको सबैभन्दा ठूलो अस्पताल हुने प्रदेश स्वास्थ्य मन्त्रालयको दाबी छ । दुई वटा भवन र त्यसका उपकरण, आन्तरिक व्यवस्थापनमा सरकारले आठ अर्ब ९९ करोड ७५ लाख ६४ हजार रुपैयाँ लागत अनुमान गरेको छ ।

अस्पताल भवनकाे डिजाइन

भवनको निर्माणको लागि प्रदेश पूर्वाधार विकास प्राधिकरणले भारतीय निर्माण कम्पनी क्याप साइट आशिष रेलिग्रेट भेन्चर र नेपाली कम्पनीसँग गएको पुस २६ गते ठेक्का सम्झौता गरेको थियो । २०८५ सालको पुससम्ममा भवन निर्माणको काम सम्पन्न गरिसक्नुपर्ने सम्झौतामा उल्लेख छ । २०१६ सालमा निर्माण गरिएको भवन जिर्ण बनेपछि अत्याधुनिक सेवासुविधासहितको भवन निर्माण गर्न लागिएको प्राधिकरणले जनाएको छ ।

प्रदेश सरकारले लुम्बिनी प्रादेशिक अस्पतालको लागि चालू आर्थिक वर्षको लागि एक अर्ब ८० करोड रुपैयाँ बजेट बिनियोजन गरेको छ । भवनमा बहिरङ्ग सेवा, आपतकालीन सेवा, इनडोर सर्भिस कक्ष रहनेछन् । त्यस्तै ग्याष्ट्रो, न्यूरो, कार्डियोलोजी लगायतका सबै विशेषज्ञ सेवा एउटै भवनबाट सञ्चालन हुने छन् । भवनको छतमा हेलिप्याड बनाउने र हेलिप्याडबाट सिधै इमर्जेन्सी कक्षमा आउजाउ गर्न मिल्ने व्यवस्थित लिफ्टकोसमेत डिजाइन भएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

लुम्बिनीकै गौरव आयोजनाको रूपमा लुम्बिनी प्रादेशिक अस्पतालको शिलान्यास

सामाजिक सञ्जाल

तपाईको प्रतिक्रिया