दिल्लीका मुख्यमन्त्री केजरीवालले राजीनामा दिने, आफूलाई इमान्दार प्रमाणित गर्न नागरिकमाझ जाने

भदौ ३०, २०८१ आइतबार १६:१५:२३ | एजेन्सी

भारतको नयाँ दिल्लीका मुख्यमन्त्री अरविन्द केजरीवालले दुई दिनपछि पदबाट राजीनामा दिने घोषणा गर्नुभएको छ । जेलबाट रिहा भएको दुई दिनपछि आज आम आदमी पार्टीको कार्यालयमा कार्यकर्तालाई सम्बोधन गर्दै उहाँले दुई दिनपछि मुख्यमन्त्री पदबाट राजीनामा दिने घोषणा गर्नुभएको हो ।

केजरीवालले भन्नुभएको छ, ‘म नागरिकको बीचमा जान्छु, सडकमा जान्छु, घरमा जान्छु र उनीहरुले केजरीवाल इमान्दार छन् भन्ने निर्णय नगरेसम्म म मुख्यमन्त्रीको कुर्सीमा बस्दिनँ ।’ आम आदमी पार्टीलाई भङ्ग गर्न र आफूलाई डर देखाउने योजनाका साथ मोदी सरकारले जेल पठाएको आरोप लगाउँदै केजरीवालले जेलमा बिताएका दिनले मनोबल बढेको उल्लेख गर्नुभएको छ ।

भाजपाको कुशासन, मनपरी र अधिनायकवादविरुद्ध बोल्ने जो कोही पनि भारतमा असुरक्षित रहेको उहाँको भनाइ छ । ‘जब राम १४ वर्षपछि निर्वासनबाट आए, सीताजीलाई पनि अग्नि परीक्षा दिनुपर्‍यो । म पनि नागरिकको सामुन्ने अग्नि परीक्षा दिन तयार छु ।’ केजरीवालले भन्नुभएको छ ।

लोकतन्त्र बलियो बनाउनकै लागि आफूले जेलबाट राजीनामा नदिएको उहाँको भनाइ छ । भारतीय जनता पार्टीका नेताले भने राजीनामा दिने केजरीवालको घोषणालाई सस्तो प्रचारबाजी र नाटकको सङ्ज्ञा दिएका छन् । आउँदो दुई–तीन दिनभित्र संसदीय दलको बैठक बसेर नयाँ मुख्यमन्त्रीको नाम तय हुने केजरीवालले बताउनुभएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्