काठमाण्डाै – एभेस्ट महिला भलिबल लिगमा कर्णाली यश्विसले लगातार तेस्रो जीत हात पारेको छ ।

काठमाण्डौको त्रिपुरेश्वरमा रहेको राष्ट्रिय खेलकुद परिषद् (राखेप) को कभर्ड हलमा आज भएको खेलमा कर्णालीले ललितपुर क्वीन्सलाई ३–० को सोझो सेटमा हरायो । कर्णालीले पहिलो सेट २५–२२, दोस्रो सेट २५–२२ र तेस्रो सेट २९–२७ ले जित्यो ।

प्रतियोगिताको दोस्रो खेलमा अहिले काठमाण्डौ स्पाइकर्स र गण्डकी थन्डर्स खेल्दैछन् । यस्तै आजको तेस्रो खेलमा राति पौने ८ बजे चितवन शक्ति र मधेश युनाइटेड खेल्दैछन् ।

नेपालको पहिलो फ्रेन्चाइज भलिबल लिगमा सहभागी ६ टोलीले एकअर्कासँग खेलेपछि अङ्क तालिकाका शीर्ष दुई टोलीले असोज १९ गते फाइनल खेल्नेछन् । प्रतियोगितामा फाइनल बाहेक हरेक दिन तीन खेल हुनेछ ।

तस्वीर : एभरेस्ट महिला भलिबल लिग