काठमाण्डौ – क्रिकेट अस्ट्रेलियाले एशेज क्रिकेट शृङ्खला २०२५/२६ को तालिका सार्वजनिक गरेको छ । पाँच खेलको शृङ्खलाको पहिलो खेल आउँदो नोभेम्बर २१ देखि २५ सम्म पर्थमा हुनेछ ।

यस्तै शृङ्खलाको दोस्रो खेल दिन र रातमा हुनेछ । यो खेल डिसेम्बर ४ देखि ८ सम्म ब्रिस्बेनमा हुनेछ । यस्तै तेस्रो खेल डिसेम्बर १७ देखि २१ सम्म एडिलेडमा हुनेछ । यस्तै मेलबर्नमा डिसेम्बर २६ देखि ३० सम्म ‘बक्सिङ डे’ टेस्ट हुनेछ र शृङ्खलाको पाँचौँ तथा अन्तिम खेल जनवरी ४ देखि ८ सम्म सिड्नीमा हुनेछ ।

यसअघि पारम्परिक रूपमा एडिलेडमा दिन र रातको टेस्ट आयोजना हुन्थ्यो तर अब यो ब्रिस्बेनमा हुनेछ । यस्तै एशेज शृङ्खलाको पहिलो खेल ब्रिस्बेनमा आयोजना हुने गरेकोमा अब पर्थमा हुनेछ ।

सन् १९८२/८३ पछि पहिलो पटक एशेज शृङ्खलाको पहिलो खेल ब्रिस्बेनको सट्टा पर्थमा हुने लागेको हो ।