जलवायुसम्बन्धी सम्मेलन कोप–२९ लाई अर्थपूर्ण बनाउन राष्ट्रिय सम्मेलन

कात्तिक १०, २०८१ शनिबार १२:३५:१२ | रासस

काठमाण्डौ – जलवायुसम्बन्धी सम्मेलन कोप–२९ लाई अर्थपूर्ण बनाउन राष्ट्रिय सम्मेलनको आयोजना गरिएको छ । वन तथा वातावरण मन्त्रालयले काठमाण्डौमा ‘राष्ट्रिय जलवायु सम्मेलन’ काे आयोजना गरेको हो ।

वन तथा वातावरण मन्त्रालयअन्तर्गत जलवायु व्यवस्थापन महाशाखा प्रमुख डा.सिन्धुप्रसाद ढुङ्गानाले आउँदो नोभेम्बर ११ देखि २२ तारिख अर्थात् (यही कात्तिक २६ देखि मङ्सिर ७ गते) सम्म अरजरबैजानको बाकुमा हुन गइरहेको जलवायु परिवर्तनसम्बन्धी संयुक्त राष्ट्रसङ्घीय संरचना महासन्धि (यूएनएफसीसीसी) का पक्ष राष्ट्रहरुको २९ औं सम्मेलन (कोप–२९) लाई अर्थपूर्ण बनाउन सम्मेलन आयोजना गरिएको बताउनुभयो ।

कोप सम्मेलनमा प्रस्तुत गरिने विषयवस्तुमा सुझाव माग्ने र नेपालको सहभागितालाई अर्थपूर्ण बनाउन यसले सहयोग पुग्ने उहाँको भनाइ छ ।

वन तथा वातावरण मन्त्रालयले विज्ञ तथा सरोकारवालासँग कोपमा प्रस्तुत गर्ने एजेन्डा र भूमिकालगायत विषयमा आयोजना गरेको तीनदिने गोष्ठी हिजो सकिएको छ ।

जलवायु परिवर्तनमा नगन्य भूमिका रहेका नेपाललगायतका विकासोन्मख देशहरुलाई जलवायु परिवर्तनका कार्यक्रम सञ्चालनका लागि आवश्यक लगानीका लागि धनी देशहरुले जलवायु वित्तीय दायित्व बढाउनुपर्ने भन्दै विगतका कोपमा जस्तै नेपालले यस पटक पनि आवाज उठाउने तयारी गरेको छ । यससँगै जलवायु वित्तमा सहज पहुँच हुनुपर्ने नेपालले अडान छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्