माथिल्लो तामाकोशीको शेयर बाँडफाँड गरेको एक महिना पुग्दासमेत पैसा फिर्ता भएन

मंसिर १३, २०७५ बिहीबार १६:३८:२८ | उषा तामाङ

दोलखा – दोलखावासीका लागि खुलाइएको माथिल्लो तामाकोशीको शेयर बाँडफाँड गरेको एक महिना पुग्न लाग्दासमेत पैसा फिर्ता भएको छैन । दोलखावासीको शेयर कात्तिक १४ गते बाँडफाँड गरिएको थियो ।

शेयर बाँडफाँड भएको केही दिनपछि रकम फिर्ता सुरु गरिएको भनिए पनि एक महिना बित्नै लाग्दासमेत हाल सम्म सम्पूर्ण दोलखावासीको रकम फिर्ता आएको छैन ।

रकम फिर्ता नहुँदाको प्रत्यक्ष प्रभाव सेयर भर्न ऋण खोज्नेहरुलाई परेको छ । प्रतिमहिना १६ प्रतिशत ब्याज तिर्ने प्रतिबद्धतासहित ऋण लिएकाहरुले लगातार ४ महिनादेखि ब्याज बुझाउँदै आइरहेका छन् ।

माथिल्लो तामाकोशी जलविद्युत आयोजनाका प्रवक्ता डाक्टर गणेश न्यौपानेले सम्पूर्ण दोलखावासीको रकम फिर्ता पठाइसकिएकामा झण्डै १५ प्रतिशतको रकम खातामा नगएको बताउनुभयो । के कारणले रकम खातामा गएन भन्ने विषयमा अहिले अध्ययन भइरहेको र अबको २ दिन भित्र सम्पूर्ण दोलखावासीको रकम खातामा जाने डाक्टर न्यौपानेको भनाई छ ।

सर्वसाधारणको शेयर बाँडफाँड

माथिल्लो तामाकोशी जलविद्युत आयोजनाले सर्वसाधारणका लागि छुट्याएको शेयर बाँडफाँँड गरिएको छ ।

बिक्री प्रबन्धक नागरिक लगानी कोष तथा सनराइज क्यापिटलले काठमाडौंमा मंगलबार कार्यक्रमको आयोजना गरी सेयर बाँडफाँड गरेका हुन्।

कुल १ लाख ७२ हजार ७ सय ७५ जनाले ५० कित्ता शेयर पाएका छन् । १ लाख ६१ हजार ३ सय जनाले भने ४० कित्ता शेयर पाएका छन् । सबैलाई ४० कित्ता सेयर दिइसकेपछि पुनः बाँकी रहेको १० कित्ता सेयर १ लाख ७२ हजार ७ सय ७५ जनालाई गोलाप्रथाबाट दिइएको हो ।

कुल १ करोड ५९ लाख ९० हजार ७ सय ५० कित्ता शेयर सर्वसाधारणका लागि खुला गरिएको थियो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्