जलवायु वित्तको आकार नबढे नेपाललगायत अतिकम विकसित देशको लक्ष्य अधुरै रहने चिन्ता

मंसिर ६, २०८१ बिहीबार १८:८:२० | रासस

बाकु (अजरबैजान) – विकसित देशले जलवायु वित्तको आकार नबढाए अतिकम विकसित देशहरूले राखेका राष्ट्रिय निर्धारित योगदान (एनडीसी) का लक्ष्य अधुरै रहनेतर्फ चिन्ता व्यक्त भएकाे छ ।

एनडीसीले निर्धारण गरेका लक्ष्य कार्यान्वयनका लागि आवश्यक पर्ने वित्त व्यवस्थापनमा नेपालजस्ता अतिकम विकसित देशको क्षमता नहुने र कोपमा पनि जलवायु वित्तको आकार बढाउनुपर्ने एजेन्डामा सहमति हुन नसके एनडीसीका लक्ष्य पनि अधुरै रहने भन्दै अतिकम विकसित देशका प्रतिनिधिले चिन्ता गरेका हुन् ।

राष्ट्रसङ्घीय जलवायु परिवर्तनसम्बन्धी प्रारूप महासन्धि (यूएनएफसीसीसी) का पक्ष राष्ट्रहरूको २९औं सम्मेलन (कोप–२९) अन्तर्गत अजरबैजानको बाकुमा भइरहेको सम्मेलनमा विकसित देशले जलवायु वित्त बढाउनुपर्ने विषयमा छलफल चलिरहेको छ । कोप–२९ सम्मेलन पूर्वनिर्धारित कार्यतालिकाअनुसार भोलि सकिँदैछ । तर वित्तको आकार बढाउने विषयमा सहमति जुट्न सकेन भने केही दिन सम्मेलन लम्बिने अवस्था छ ।

जलवायु वित्त बढाउनुपर्ने मुद्दामा सहमति हुन नसकेमा जलवायु परिवर्तनसम्बन्धी योजना कार्यान्वयनमा समस्या उत्पन्न हुने भन्दै नेपालले पनि जलवायु वित्तको आकार बढाउनुपर्ने र यो वित्तमा नेपालको सरल पहुँच सुनिश्चित हुनुपर्ने मुद्दालाई मुख्य एजेन्डा बनाई स्थितिपत्र तयार गरेर कोपमा सहभागिता जनाएको छ । वन तथा वातावरण मन्त्रालयका सचिव डा. दीपककुमार खरालको नेतृत्वमा अहिले नेपाली प्रतिनिधिले कोपमा सहभागिता जनाइरहेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्