पत्रकार महासङ्घको नयाँ नेतृत्वका लागि सत्तारूढ र विपक्षी गठबन्धनको छुट्टाछुट्टै प्यानल

मंसिर २२, २०८१ शनिबार ६:१७:६ | उज्यालो सहकर्मी

काठमाण्डाै – नेपाल पत्रकार महासङ्घको नयाँ नेतृत्वका लागि सत्तारूढ र विपक्षी दल नजिकका पत्रकार सङ्गठनहरूले छुट्टाछुट्टै गठबन्धन गरेर प्यानलसहित उम्मेदवारी दिएका छन् ।

सत्तारूढ दल निकट नेपाल प्रेस युनियन र प्रेस चौतारी नेपालले साझा प्यानल बनाएका छन् भने विपक्षी दल निकट प्रेस सेन्टर नेपाल, समाजवादी प्रेस सङ्गठन, क्रान्तिकारी प्रेस सङ्गठन, जनपत्रकार सङ्गठन, प्रगतिशील पत्रकार सङ्गठन र प्रेस मञ्चले अर्को प्यानल बनाएका छन् ।

अध्यक्षमा सत्तारूढ प्यानलबाट निर्मला शर्मा र विपक्षी प्यानलबाट कमल गिरीको उम्मेदवारी परेको छ । शर्मा प्रेस चौतारीको कोटाबाट र गिरी प्रेस सेन्टरको कोटाबाट अध्यक्षको उम्मेदवार बन्नुभएको हो ।

चौतारीको कोटाबाट महिला उपाध्यक्षमा नितु पण्डित, आदिवासी जनजाति सचिवमा सविन प्रियासन चौधरी, कोषाध्यक्षमा रामकृष्ण ज्ञवाली र लेखा आयोग संयोजकमा केसी लामिछानेको उम्मेदवारी परेको छ ।

यस्तै प्रेस युनियनका तर्फबाट वरिष्ठ उपाध्यक्षमा दीपक आचार्य, समावेशी उपाध्यक्षमा उमिद बागचन्द, महासचिवमा रामप्रसाद दाहालको उम्मेदवारी परेको छ । सचिवहरूतर्फ रमेश खतिवडा (खुला), सोनी शर्मा (महिला), प्रकाश धौलाकोटी (दलित), वैकुण्ठ पराजुली (एशोसिएट) र अशोक तिवारी (मधेशी) को उम्मेदवारी परेको छ ।

यस्तै विपक्षी प्यानलबाट वरिष्ठ उपाध्यक्षमा रोशन पुरी, महिला उपाध्यक्षमा गङ्गा बराल र समावेशी उपाध्यक्षमा सुवास साह र महासचिवमा लेखनाथ न्यौपानेले उम्मेदवारी दर्ता गरेका छन् । यस्तै सचिवहरूमा उत्तर विष्ट (खुला), सिर्जन झा (मधेशी), सरिता बराईली (दलित), भीषण राई (आदिवासी जनजाति) र विकास कार्की (एशोसिएट) तथा कोषाध्यक्षमा रामकृष्ण अधिकारी र लेखा समिति संयोजकमा ध्रुव रावलको उम्मेदवारी परेको छ ।

महासङ्घको अध्यक्षमा देवीप्रसाद सापकोटा, रमेश विष्ट र लालसिंह (एलएस) लामाको पनि उम्मेदवारी परेको छ । त्यसैगरी वरिष्ठ उपाध्यक्षमा गोविन्दप्रसाद चौलागाईं र दामोदरप्रसाद दवाडी तथा महासचिवमा जन्मदेव जैशी र प्रकाश थापाको पनि उम्मेदवारी परेको छ ।

महासङ्घको ५२ सदस्यीय केन्द्रीय कार्यसमितिका लागि एक सय ३३ जनाको उम्मेदवारी परेको छ । महासङ्घको नयाँ कार्यसमिति चयनका लागि आउँदो शुक्रवार चुनाव हुनेछ ।

उम्मेदवारहरूकाे नामावली–

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्