काठमाण्डौ प्रदूषित शहरको सूचीमा, निगरानीका लागि काठमाण्डौ महानगरद्वारा उपकरण जडान

मंसिर २५, २०८१ मंगलबार ९:१८:१८ | उज्यालो सहकर्मी

काठमाण्डौ – काठमाण्डौ विश्वका सबैभन्दा धेरै वायु प्रदूषण रहेका १० वटा शहरहरुको सूचीमा परेको छ । बिहान हावाको गुणस्तर मापन सूचक एक्यूआई एक सय ५६ पुगेको काठमाण्डौ धेरै प्रदूषण भएको सहरको १० औँ नम्बरमा परेको हो । एक्यूआई एक सय ५० भन्दामाथि पुग्दा त्यहाँको हावा सबैको लागि अस्वस्थ हुन्छ ।

बिहान काठमाण्डौ उपत्यकामा रहेका सबैजसो मापन केन्द्रहरुले एक्यूआई एक सय ५५ भन्दामाथि देखाएका छन् । हिजो हिउँदे वर्षा हुने र वायु प्रदूषण कम हुने आशा गरिएको भए पनि वर्षा नहुँदा प्रदूषण उस्तै छ ।

यसैबीच वन तथा वातावरण मन्त्री ऐनबहादुर शाही ठकुरीले वायु प्रदूषणको स्रोत पहिचान गरी त्यसको नियन्त्रणमा कडा निगरानी राख्न आवश्यक रहेकामा जोड दिनुभएको छ । एशिया–प्रशान्त क्षेत्रीय वायु प्रदूषणसम्बन्धी क्षेत्रीय कार्यशाला गोष्ठीको उद्घाटन सत्रमा उहाँले वायु प्रदूषणको चर्को समस्या घटाउन सरकारले प्रयास गरिरहेको बताउनुभयो ।

यसैबीच काठमाण्डौ महानगरपालिकाले महानगर क्षेत्रभर वायु गुणस्तर निगरानी उपकरण जडान शुरू गरेको छ । मुख्य कार्यालयमा उपकरण जडान अभियानको उद्घाटन गर्दै उपमेयर सुनिता डङ्गोलले उपकरणले वास्तविक तथ्याङ्क प्रयोग गरी सूचित नीतिहरू बनाउन र स्वस्थ वातावरण सुनिश्चित गर्न महानगरपालिकालाई सहयोग पुग्ने बताउनुभयो ।

परियोजनाअन्तर्गत, महानगरले १८ वटा ‘क्ल्यारिटी नोड–एस’ वायु गुणस्तर ‘सेन्सर’ स्थापना गर्ने जनाएको छ ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काठमाण्डौ प्रदूषित शहरको सूचीमा, निगरानीका लागि काठमाण्डौ महानगरद्वारा उपकरण जडान

तस्बिर : सामाजिक सञ्जाल

तपाईको प्रतिक्रिया