भारतका रविचन्द्रन अश्विनले अन्तर्राष्ट्रिय क्रिकेटबाट सन्न्यास लिए

पुष ३, २०८१ बुधबार १३:५७:१७ | उज्यालो सहकर्मी

भारतीय क्रिकेट टिमका अफ स्पिनर रविचन्द्रन अश्विनले अन्तर्राष्ट्रिय क्रिकेटबाट सन्न्यास लिएका छन् । ब्रिसबेनमा अस्ट्रेलियासँगको तेस्रो टेस्ट क्रिकेटपछि अश्विनले सन्न्यासको घोषणा गरेका हुन् ।

सन्न्यासको घोषणा गर्दै उनले भारतीय क्रिकेट कन्ट्रोल बोर्ड (बीसीसीआई)सहित रोहित शर्मा, विराट कोहली, अजिन्क्या रहाणे, चेतेश्वर पुजारालगातयका खेलाडीलाई धन्यवाद दिएका छन् ।

३८ वर्षीय अश्विनले १ सय ६ टेस्ट क्रिकेटमा ५ सय ३७ विकेट लिएका छन् । उनले आठ पटक १० विकेट लिएका हुन् । अश्विनले टेस्ट क्रिकेटमा ब्याटिङमा पनि राम्रो प्रदर्शन गरेका छन् । उनले ६ शतक र १४ अर्धशतक बनाएका छन् ।

अश्विन टेस्ट क्रिकेटमा भारतका लागि सबैभन्दा धेरै विकेट लिने दोस्रो खेलाडी हुन् । टेस्ट क्रिकेटमा भारतका लागि अनिल कुम्बलेले सबैभन्दा धेरै ६ सय १९ विकेट लिएका छन् ।

यस्तै अश्विनले १ सय १६ एकदिवसीय अन्तर्राष्ट्रिय क्रिकेटमा १ सय ५६ विकेट र ६५ टी–२० अन्तर्राष्ट्रिय क्रिकेटमा ७२ विकेट लिएका छन् ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्