फाल्गुनन्द गोल्डकप : दोस्रो क्वाटरफाइनलमा आज काठमाण्डौको मच्छिन्द्र र सुनसरीको न्यूस्टार खेल्दै

पुष ९, २०८१ मंगलबार ९:३३:९ | उज्यालो सहकर्मी

पाँचथर – पाँचथरको सदरमुकाम फिदिममा चलिरहेको ११ औँ संस्करणको फाल्गुनन्द गोल्डकप फुटबलमा आज दोस्रो क्वाटरफाइनलको खेल हुँदैछ ।

फिदिम माविको खेल मैदानमा दिँउसो साढे दुई बजे हुने छ । आज हुने दोस्रो क्वाटरफाइनलको खेलमा काठमाण्डौको मच्छिन्द्र फुटबल क्लब र सुनसरीको न्यूस्टार क्लब खेल्दै छन् ।

मच्छिन्द्र अस्ति आइतवार झापा–११ लाई हराएर क्वाटरफाइनलमा पुगेको हो । सुनसरी समुह ‘ख’ बाट वाइ पाएर सीधै क्वाटरफाइनल खेल्न लागेको हो ।

यस्तै हिजोको पहिलो क्वाटरफाइनलको खेलमा त्रिभुवन आर्मीलाई हराउँदै आयोजक फिदिम स्पोर्टिङ क्लब सेमिफाइनलमा पुगेको छ । गएको शनिवारदेखि शुरू भएको प्रतियोगिता यही पुस १५ गतेसम्म सञ्चालन हुनेछ ।

प्रतियोगिताको विजेताले १० लाख पाँच सय ५५ रुपैयाँ तथा उपविजेताले पाँच लाख पाँच सय ५५ रुपैयाँ पुरस्कार प्राप्त गर्नेछन् । प्रतियोगिताको सर्वोत्कृष्ट खेलाडीले एक थान विद्युतीय स्कुटर तथा विधागत रुपमा उत्कृष्ट खेलाडीले समेत पुरस्कार प्राप्त गर्नेछन् । प्रतियोगितामा ‘ए’ डिभिजन लिगका चार वटा क्लबसहित १० टिमको सहभागिता रहेको छ ।

अन्तिम अपडेट: पुस ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्