फाल्गुनन्द गोल्डकप फुटबल : पहिलो सेमिफाइनलमा आज फिदिम स्पोर्टिङ र चर्च ब्वाइज खेल्दै

पुष १२, २०८१ शुक्रबार ६:४०:५६ | उज्यालो सहकर्मी

पाँचथर – पाँचथरको फिदिममा चलिरहेको ११ औँ संस्करणको फाल्गुनन्द गोल्डकप फुटबल प्रतियोगितामा आज पहिलो सेमिफाइनल खेल हुँदैछ ।

फिदिम माविको खेल मैदानमा दिँउसो साढे दुई बजे हुने पहिलो सेमिफाइनल खेलमा आयोजक फिदिम स्पोर्टिङ क्लबले काठमाण्डौको चर्च ब्वाइज युनाइटेडसँग खेल्ने छ ।

क्वाटरफाइनलमा आयोजक फिदिम स्पोर्टिङ क्लबले विभागीय फटबल टिम त्रिभुवन आर्मी क्लब काठमाण्डौलाई पराजित गरेर सेमिफाइनल पुगेको हो । यस्तै चर्च ब्वाइजले मोरङको विराटनगर सिटी एफसीलाई हराउँदै फिदिमसँगको भेट पक्का गरेको हो ।

यस्तै प्रतियोगिता अन्तर्गत हिजो भएको अन्तिम क्वाटरफाइनलमा एनआरटीले सिरहाको सलहेश युवा क्लबलाई पेनाल्टीमा ५–४ गोलले सेमिफाइनल प्रवेश गरेको छ । एनआरटी अब भोलि दोस्रो सेमिफाइनलमा मच्छिन्द्र फुटबल क्लबसँग खेल्नेछ ।

प्रतियोगिताको फाइनल खेल यही पुस १५ गते आउने सोमवार हुनेछ । प्रतियोगिताको विजेताले १० लाख पाँच सय ५५ रुपैयाँ तथा उपविजेताले पाँच लाख पाँच सय ५५ रुपैयाँ पुरस्कार प्राप्त गर्नेछन् ।

अन्तिम अपडेट: पुस १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्