जय ट्रफी एलिट कपमा आर्मी र बाग्मतीबीचकाे खेल बराबरी

पुष २५, २०८१ बिहीबार १७:५९:५४ | उज्यालो सहकर्मी

काठमाण्डाै – जय ट्रफी एलिट कप क्रिकेटको चौथो खेलमा त्रिभुवन आर्मी क्लब र बाग्मती प्रदेशबीचको खेल बराबरीसमा सकिएको छ ।

आर्मीले दिएको २ सय ४ रनको लक्ष्य पछ्याएको बाग्मतीले दोस्रो दिनको खेल सकिँदा ५ विकेट गुमाएर ८० रन बनाएको अवस्थामा खेल बराबरीमा सकिएको हो । बाग्मतीका शुभ कंसाकरले ३३ रन बनाए । आर्मीका पवन कार्की र आकाश चन्दले २/२ विकेट लिए ।

आर्मीले आज चिया समयअघि ८ विकेट गुमाएर १ सय २७ रन बनाएको अवस्थामा दोस्रो पारी समाप्तिको घोषणा गरेको थियाे । आर्मीका तृतराज दासले २८, कप्तान विनोद भण्डारीले २७ रन बनाए । बाग्मतीका नन्दन यादवले ४, प्रतिस जिसीले ३ विकेट लिए ।

यसअघि जनकपुरमा टस हारेर ब्याटिङको निम्तो पाएको आर्मीले पहिलो पारीमा २ सय ७६ रन बनाएको थियो । यस्तै बाग्मतीले ९ विकेट गुमाएर २ सय रन बनाउँदा पहिलो पारी समाप्तिको घोषणा गरेको थियो ।

प्रतियाेगितामा आर्मी र बाग्मती दुवैकाे याे दाेस्राे बराबरी हाे । यसअघि भएका खेलमा आर्मीले पुलिससँग र बाग्मतीले मधेश प्रदेशसँग बराबरी खेलेकाे थियाे ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

जय ट्रफी एलिट कपमा आर्मी र बाग्मतीबीचकाे खेल बराबरी

तस्वीर : क्यान

तपाईको प्रतिक्रिया