गाजामा मारिनेको सङ्ख्या रिपोर्ट गरिएभन्दा धेरै रहेको एक अध्ययनको दाबी

पुष २७, २०८१ शनिबार १३:३:९ | एजेन्सी

गाजामा हमासको स्वास्थ्य मन्त्रालयले सार्वजनिक गरेको तथ्याङ्कभन्दा पनि धेरै प्यालेस्टिनीले ज्यान गुमाएको एक अध्ययनले देखाएको छ । ‘द लानसेन्ट मेडिकल जर्नल’मा प्रकाशित अध्ययनले रिपोर्ट गरिएकोभन्दा मारिनेको सङ्ख्या धेरै रहेको दाबी गरेको हो ।

बेलायतको नेतृत्वमा गरिएको यो अध्ययनमा सन् २०२३ को अक्टोबर ७ तारिखमा हमास विद्रोहीले इजरालयमा आक्रमण गरेपछिका नौ महिनाको अवधिमा भएको क्षतिको विवरण समावेश छ ।

अध्ययनमा सन् २०२४ जुन ३० तारिखसम्म ६४ हजार दुई सय ६० प्यालेस्टिनीको ज्यान गएको उल्लेख छ । यो हमासको स्वास्थ्य मन्त्रालयको तथ्याङ्कभन्दा ४० प्रतिशतभन्दा पनि धेरैले बढी हो ।

अध्ययनमा हमासको स्वास्थ्य मन्त्रालयले जारी गरेको तथ्याङ्क, परिवारले आफन्त गुमाएको अनलाइन सर्भेलगायतलाई आधार बनाइएको छ ।

यसैबीच गाजामा अक्टोबर ७ तारिखमा भएको आक्रमणपछि लडाकुले बन्धक बनाएका एक इजरायली बन्धकको शव फेला परेको इजरायली सेनाले पुष्टि गरेको छ । फरेन्सिक जाँचपछि इजरायली सेनाले हम्जा अल जायदना ‘हमासको कैदमा मारिएको’ जानकारी उनको परिवारलाई दिइएको अन्तर्राष्ट्रिय सञ्चारमाध्यमले जनाएका छन् ।

प्यालेस्टिनी लडाकुहरूले गाजाको सीमा नजिकैबाट बाबुछोरालाई कब्जामा लिएका थिए । बाबु युसुफको शव बुधवार बरामद गरी इजरायल ल्याइएको सेनाले घोषणा गरेको थियो ।

उनीहरूसँगै अपहरणमा परेका हम्जाकी बहिनी र भाइलाई सन् २०२३ को नोभेम्बरमा भएको एक हप्ता लामो युद्धविरामको क्रममा रिहा गरिएको थियो ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गाजामा मारिनेको सङ्ख्या रिपोर्ट गरिएभन्दा धेरै रहेको एक अध्ययनको दाबी

तस्बिर : एजेन्सी

तपाईको प्रतिक्रिया