तरुलको भाउ पोहोरभन्दा दोब्बरले धेरै, पिँडालु पनि महँगो, सखरखण्ड केही सस्तो

माघ १, २०८१ मंगलबार १०:१:५९ | उज्यालो सहकर्मी

काठमाण्डौ – तरुलको भाउ पोहोरभन्दा यसवर्ष दोब्बरले महँगो भएको छ । पोहोर आजको दिन अर्थात् माघे सङ्क्रान्तिको दिन तरुलको न्यूनतम औषत मूल्य प्रतिकिलो ४६ र अधिकतम ५० रुपैयाँ रहेकोमा आज तरुलको औषत भाउ किलोमा न्यूनतम एक सय र अधिकतम एक सय २० रुपैयाँ छ ।

काठमाण्डौको मुख्य तरकारी बजार कालिमाटीका अनुसार आज तरुलको औषत मूल्य किलोमा एक सय १० रुपैयाँ रहेको छ । तरुल गएको वर्षभन्दा महँगो भएको हो ।

यसैगरी पिँडालु पनि महँगो नै भएको छ । पोहोर पिँडालु किलोमा ६७ रुपैयाँ रहेकोमा अहिले ८५ रुपैयाँ रहेको छ । तर पोहोरभन्दा सखरखण्डको भाउ केही घटेको छ । सखरखण्ड पोहोर किलोको ७७ रुपैयाँ रहेकोमा अहिले आजको दिन १३ रुपैयाँले घटेर किलोमा ६५ रुपैयाँ रहेको छ ।

यो कालिमाटीको मूल्य सूची हो । खुद्रामा भाउ यो भन्दा महँगो पर्छ । कन्दमूल अर्थात् माटोमुनि फल्ने तरुलसहित सखरखण्ड र पिँडालुको माग माघे सङ्क्रान्तिका दिन उच्च हुने गर्छ ।

तरुल नेपालमै उत्पादन हुने भएकाले त्यति धेरै आयात गर्नु नपर्ने भए पनि पोहोर ६ लाख ३९ हजार रुपैयाँ बराबरको तरुल आयात भएको भन्सार विभागको तथ्याङ्क छ ।

तरुलभन्दा सखरखण्डको आयात निक्कै धेरै छ । पोहोर ६७ लाख रुपैयाँ बराबरको सखरखण्ड आयात भएको छ । यसपाली पनि सखरखण्डको माग धन्न भारत र चीनबाट आयात गरिएको छ ।

अन्तिम अपडेट: माघ १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्