आर्थिक क्षेत्रका कानून सुधार गर्ने सरकारको प्रयासमा निजी क्षेत्र सकारात्मक

माघ २, २०८१ बुधबार ८:३०:१९ | उज्यालो सहकर्मी

काठमाण्डौ – आर्थिक क्षेत्रका कानून सुधार गर्ने सरकारको प्रयासलाई निजी क्षेत्रले सकारात्मक रहेको प्रतिक्रिया दिएका छन् ।

नेपाल चेम्बर अफ कमर्स र नेपाल उद्योग परिसङ्घले विज्ञप्ति निकालेर कानून संशोधन स्वागतयोग्य रहेको बताएका हुन् । यसबाट आर्थिक तथा व्यावसायिक वातावरण सुधार गर्न सहयोग पुग्ने उनीहरुको विश्वास छ ।

नेपाल चेम्बर अफ कमर्सले अर्थतन्त्रको शिथिलता अन्त्य गर्न अध्यादेश महत्त्वपूर्ण भएको भन्दै संसद्को हिउँदे अधिवेशनबाट अध्यादेश टुङ्ग्याउन सरकारको ध्यानाकर्षणसमेत गराएको छ ।

वर्तमान अर्थतन्त्रको अवस्था सुधार गर्न सरकार प्रतिबद्ध रहेको देखिएको चेम्बरका अध्यक्ष कमलेशकुमार अग्रवालले बताउनुभयो । रकम फिर्ता लैजान चाहने विदेशी लगानीकर्ताको प्रस्ताव ७ दिनमै स्वीकृत हुने अध्यादेशमा उल्लेखित व्यवस्थाको चेम्बरले स्वागत गरेको छ ।

यस्तै नेपाल उद्योग परिसङ्घले सरकारले आर्थिक तथा व्यावसायिक वातावरण सुधार र लगानी अभिवृद्धिसम्बन्धी केही नेपाल ऐन संशोधन गर्न बनेको अध्यादेशमार्फत ११ वटा, सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐन संशोधन गर्न बनेको अध्यादेशमार्फत १२ वटासहित २४ वटा कानूनमा गरिएको संशोधनले देशमा लगानी अभिवृद्धि गर्न सहयोग पुग्ने जनाएको छ । साथै परिसङ्घले कानूनहरुको प्रभावकारी कार्यान्वयनका लागि पनि अनुरोध गरेको छ ।

अन्तिम अपडेट: माघ २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्