यूएईले फेरि आममाफीको म्याद एक महिना थप्यो

मंसिर १७, २०७५ सोमबार २०:४०:१० | उज्यालो सहकर्मी

यूएई – यूएईले गैरकानुनी रुपमा आफ्नो देशमा बसेका विदेशी कामदारलाई आममाफी दिने प्रकृया फेरि एक महिना थप गरेको छ ।

डिसेम्बर २ बाट लागू हुने गरी यूएईले एक महिनाको आममाफीको म्याद थपेको जनाएको छ । सोमबार यूएईको नागरिकता पहिचान सम्बन्धी संघीय प्राधिकरणले आममाफीको लागि एक महिनाको म्याद थपेको व्यहोरासहितको विज्ञप्ति जारी गरेको छ ।

आममाफीको लागि अगाडिनै प्रकृया सुरु गर्नेले पनि पुनः प्रकृया अगाडि बढाउन सक्ने छन् । यूएईको राष्ट्रिय दिवसको अवसरमा आममाफीको प्रकृया अगाडि बढाइएको हो । यसअघि पनि यूएईले चार महिना आममाफी दिने समय तोकेको थियो । गएको अगष्ट १ बाट सुरु भएको आममाफी प्रकृया डिसेम्बरमा सकिएको थियो ।

आममाफीमा गैरकानुनी रुपमा बसोबास गरिरहेका नेपालीसहित अन्य देशका नागरिकलाई वैधानिक बन्न अथवा आवश्यक कानुनी प्रकृया पूरा गरी आफ्नो देश फर्किन अवसर दिइएको हो ।

यो अवधिमा यूएईमा रहेको नेपाली दूतावाससहित विभिन्न देशका दूतावास तथा कन्सुलेटहरुले घुम्ती सेवा मार्फत गैरकानुनी रुपमा रहेका आफ्नो देशका नागरिकले वैधानिक बन्न वा आममाफी प्रक्रियामा सहभागी हुन सहयोग गरेका थिए ।

यूएईमा अवैधानिक भएर बसेका विदेशी नागरिकलाई दिइएको तीन महिनाको आममाफी प्रकृयालाई गएको अक्टोबर ३० बाट एक महिना लम्बाइएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

यूएईले फेरि आममाफीको म्याद एक महिना थप्यो

फाइल तस्बिर

तपाईको प्रतिक्रिया