महिला हिंसा न्यूनीकरणका लागि निगरानी समूह गठन गरिने

मंसिर १८, २०७५ मंगलबार ११:३३:३२ | जयराज अवस्थी

बैतडी – महिला हिंसा न्युनिकरण गर्नको लागि दशरथचन्द नगरपालिकाले नगरपालिकाका ११ ओटै वडामा निगरानी समूह गठन गर्न लागेको जानकारी दिएको छ । नगरभित्रका महिलामाथि हुने हिंसा न्यूनीकरणमा स्थानीयस्तरबाटै पहल गर्ने उद्देश्यसहित निगरानी समूह गठन गर्न लागेको नगरपालिकाका उपप्रमुख मीना चन्दले जानकारी दिनुभयो ।

नगरपालिकाका प्रत्येक वडाहरुमा महिलाहरुको भेला गराएर उनीहरुबाटै नेतृत्वको चयन गरेर निगरानी समूह गठन गरिने चन्दले जानकारी दिनुभयो । हिंसामा परेका महिलाहरुलाई न्याय दिनका लागि नगरपालिकाले संरक्षण रणनीति समेत तयार पारिसकेको र कानुन निर्माणमा नगरपालिका अग्रसर भइरहेको उहाँले बताउनुभयो ।

वडामा गठन गरिने निगरानी समूहले महिलामाथि हुने हिंसाका घटना न्यूनीकरणका लागि पैरवी गर्ने उहाँले बताउनुभयो । निगरानी समूहले न्यायिक समितिसँग समीपमा रहेर काम गर्ने हिसाबले तयारी भइरहेको उपप्रमुख एवं दशरथचन्द नगरपालिका न्यायिक समितिका संयोजक मीना चन्दले बताउनुभयो ।

नगरपालिकालाई महिला हिसांमुक्त र विभेदरहित बनाउनका लागि यो कार्यक्रम संञ्चालन गर्न लागीएको चन्दले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्