'आईटी' क्षेत्र दैनिक जीवनको महत्त्वपूर्ण अङ्ग बनिसक्याे : प्रधानमन्त्री ओली

माघ १७, २०८१ बिहीबार १५:३०:२२ | उज्यालो सहकर्मी

काठमाण्डाै – काठमाण्डौमा नेपाल चेम्बर एक्स्पोको शुभारम्भ भएको छ । एक्स्पोको शुभारम्भ गर्दै प्रधानमन्त्री केपी शर्मा ओलीले ‘आईटी’ अर्थात् सूचना प्रविधि क्षेत्र दैनिक जीवनको महत्त्वपूर्ण अङ्ग बनिसकेको बताउनुभयो ।

ओलीले आईटी क्षेत्र व्यापार, व्यवसायदेखि हरेक कुरामा महत्त्वपूर्ण र अभिन्न अङ्ग बनिसकेको उल्लेख गर्नुभयो । नेपालले तीव्रताका साथ विकासका कामअघि बढाइरहेको भन्दै उहाँले आईटीक्षेत्रमा पनि उल्लेख्य रूपमा अघि बढिरहेको जिकिर गर्नुभयो ।

देशको अर्थतन्त्र, उद्योग, व्यवसाय, व्यापार, उत्पादन र निर्यातमा अस्थिर राजनीतिले समस्या उब्जाएको प्रधानमन्त्रीले उल्लेख गर्नुभयो । सन् २०२६ मा नेपाललाई अल्पविकसितबाट मध्यमस्तरको आय भएको देशमा पुर्‍याउन चाहेको ओलीले बताउनुभयो । आईटी क्षेत्रलाई निर्यात व्यापारका रूपमा अघि बढाउन सकिने हिसाबले सरकार अघि बढेको उहाँको भनाइ छ ।

एक्स्पोमा कृषिजन्य वस्तु, हस्तकला, लत्ता कपडाका सामान, गाडीका सामान, विद्युतीय सामान, कपडा, गरगहना, कस्मेटिक तथा खाना र दुग्धजन्य पदार्थका एक सय २५ वटा स्टल रहेका छन् । नेपाल, भारत, पाकिस्तान, थाइल्याण्ड, दक्षिण कोरिया, चीन, बङ्गलादेश तथा अन्य देशमा उत्पादित सामग्रीहरू एक्स्पोमा रहेका छन् ।

अन्तिम अपडेट: माघ १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

'आईटी' क्षेत्र दैनिक जीवनको महत्त्वपूर्ण अङ्ग बनिसक्याे : प्रधानमन्त्री ओली

तस्वीर : रासस

तपाईको प्रतिक्रिया