श्रीलङ्कासँगको टेस्ट शृङ्खलामा अस्ट्रेलियाको 'क्लिन स्वीप'

 माघ २७, २०८१ आइतबार १५:१:३६ | उज्यालो सहकर्मी
unn.prixa.net

तस्वीर : क्रिकइन्फाे

काठमाण्डाै – श्रीलङ्कासँगको दुई खेलको टेस्ट शृङ्खलामा अस्ट्रेलियाले 'क्लिन स्वीप' गरेको छ । दोस्रो टेस्टमा अस्ट्रेलियाले घरेलु टोली श्रीलङ्कालाई ९ विकेटले हरायो ।

श्रीलङ्काले दिएको ७५ रनको लक्ष्य अस्ट्रेलियाले चौथो दिनको खाना समयअघि १ विकेट गुमाएर भेटायो । अस्ट्रेलियाका उस्मान ख्वाजाले २७, मार्नस लाबुशेनले २३ रन बनाए । श्रीलङ्काका प्रभात जयसूर्याले १ विकेट लिए ।

दोस्रो पारीमा श्रीलङ्का २ सय ३१ रनमा अलआउट भएको थियो । दोस्रो पारीमा श्रीलङ्काका एन्जेलो म्याथ्युजले ७६, कुसल मेन्डिसले ५० रन बनाए । अस्ट्रेलियाका म्याथ्यु कुन्हेमान र नाथन लायनले ४/४ विकेट लिए ।

यसअघि गालेमा टस जितेर ब्याटिङ गरेको श्रीलङ्काले पहिलो पारीमा कुसल मेन्डिसको नटआउट ८५, दिनेश चन्डिमलको ७४ रनको मद्दतमा २ सय ५७ रन बनायो । अस्ट्रेलियाका मिचेल स्टार्क, म्याथ्यु कुन्हेमान र नाथन लायनले ३/३ विकेट लिए ।

अस्ट्रेलियाले पहिलो पारीमा एलेक्स केरीको १ सय ५६ र कप्तान स्टिभ स्मिथको १ सय ३१ रनको मद्दतमा ४ सय १४ रन बनायो । श्रीलङ्काका प्रभात जयसूर्याले ५ विकेट लिए ।

पहिलो टेस्ट क्रिकेट अस्ट्रेलियाले एक पारी र २ सय ४२ रनले जितेको थियो ।

अन्तिम अपडेट: माघ २८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

गाजालाई दुई भागमा छुट्याउने करिडोरबाट इजरायली सेना फिर्ता हुन थाले

२

प्रेमनगरीमा वरपिपल स्वाहा सार र मकुना मरणको विरह कथा !

३

मन्त्रालयको लोभमा अध्यादेशबारे निर्णय लिन्नँ : जसपा नेपालका अध्यक्ष यादव

४

देशभर आगलागी र डढेलोका घटना बढ्न थाल्यो, सावधानी अपनाउन आग्रह

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई