हज यात्रामा बालबालिकालाई लैजान प्रतिबन्ध, भारतसहित १४ वटा देशका लागि एकतर्फी प्रवेश भिसा

माघ २९, २०८१ मंगलबार १८:३०:३५ | एजेन्सी

साउदी अरेबिया सरकारले बालबालिकालाई हज तीर्थयात्रामा लैजान प्रतिबन्ध लगाएको छ । साउदीको हज र उमराह मन्त्रालयले सन् २०२५ को हज यात्रामा बालबालिकालाई तीर्थयात्रीसँगै जान प्रतिबन्ध लगाएको अन्तर्राष्ट्रिय सञ्चारमाध्यमले जनाएका छन् ।

बालबालिकाको सुरक्षा र कल्याणका लागि सरकारले यो निर्णय गरेको मन्त्रालयले बताएको छ । यस्तै बालबालिकासहित निकै कमजोर, बिरामी, वृद्ध, शारीरिक रूपमा असक्षम, सङ्क्रामक रोगबाट पीडितले पनि हज यात्रा गर्न पाउँदैनन् ।

साउदी अरेबियाले भिसा नीतिमा पनि महत्त्वपूर्ण परिवर्तन गरेको छ । नयाँ नीतिअनुसार अब हज यात्राका लागि भारतसहित १४ वटा देशका लागि एकतर्फी प्रवेश भिसा मात्र उपलब्ध हुनेछ । यसको उद्देश्य विना हज यात्रा साउदी अरेबिया आउने मानिसहरूलाई रोक्नु हो ।

साथै मन्त्रालयले विगतमा जस्तै यस वर्ष पनि पहिलो पटक हज यात्रा गर्नेलाई पहिलो प्राथमिकता दिइने बताएको छ । हज यात्रा २०२५ का लागि दर्ता शुरू भइसकेको छ ।

अन्तिम अपडेट: माघ २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हज यात्रामा बालबालिकालाई लैजान प्रतिबन्ध, भारतसहित १४ वटा देशका लागि एकतर्फी प्रवेश भिसा

फाइल फाेटाे

तपाईको प्रतिक्रिया